ശ്വാസതടസ്സം: മുതിർന്ന നടൻ ധർമ്മേന്ദ്രയെ ആശുപത്രിയിൽ പ്രവേശിപ്പിച്ചു

ഡല്‍ഹി: മുതിര്‍ന്ന ബോളിവുഡ് നടന്‍ ധര്‍മ്മേന്ദ്രയെ മുംബൈയിലെ ബ്രീച്ച് കാന്‍ഡി ആശുപത്രിയില്‍ പ്രവേശിപ്പിച്ചു. ഡോക്ടര്‍മാരുടെ സംഘം അദ്ദേഹത്തിന്റെ ആരോഗ്യം നിരീക്ഷിച്ചുവരികയാണെന്നാണ് റിപ്പോര്‍ട്ട്.

പതിവ് പരിശോധനയാണെന്ന് റിപ്പോര്‍ട്ടുകള്‍ സൂചിപ്പിച്ചെങ്കിലും, ധര്‍മ്മേന്ദ്രയെ ആശുപത്രിയില്‍ പ്രവേശിപ്പിച്ചതിന് പിന്നിലെ യഥാര്‍ത്ഥ കാരണം  പത്രപ്രവര്‍ത്തകന്‍ വിക്കി ലാല്‍വാനി വെളിപ്പെടുത്തി.

നടന് ശ്വാസതടസ്സം അനുഭവപ്പെട്ടതിനെ തുടര്‍ന്ന് അദ്ദേഹത്തെ ആശുപത്രിയില്‍ എത്തിച്ചതായി വിക്കി തന്റെ പോസ്റ്റില്‍ അവകാശപ്പെട്ടു.

 'ധര്‍മ്മേന്ദ്ര ബ്രീച്ച് കാന്‍ഡി ആശുപത്രിയിലെ ഐസിയുവിലാണ്. ഞാന്‍ ആശുപത്രിയുമായി ബന്ധപ്പെട്ടപ്പോള്‍, നടന്‍ ശ്വാസതടസ്സം അനുഭവപ്പെട്ട് വന്നതായി പറഞ്ഞതായി അദ്ദേഹം എക്‌സില്‍ കുറിച്ചു.