/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/MMi90wSs8m38X0nFambB.jpg)
ഉപഭോക്താക്കളുടെ സൗകര്യാര്‍ഥം പുതിയ ഫീച്ചറുകള്‍ തുടര്‍ച്ചയായി അവതരിപ്പിച്ച് വരികയാണ് പ്രമുഖ ഇന്‍സ്റ്റന്റ് മെസേജിങ് പ്ലാറ്റ്‌ഫോമായ വാട്‌സ്ആപ്പ്. ഇക്കൂട്ടത്തില്‍ പുതിയതായി വാട്‌സ്ആപ്പ് അവതരിപ്പിച്ച ഫീച്ചറാണ് ക്യാപ്ഷന്‍ മെസേജ് എഡിറ്റ് ഫീച്ചര്‍.
ടെക്സ്റ്റ് മെസജുകള്‍ക്ക് മാത്രമായി പരിമിതപ്പെടുത്തിയിരുന്ന ഫീച്ചറിന്റെ സാധ്യതയാണ് വിപുലീകരിച്ചത്. നിലവില്‍ വീഡിയോകള്‍, ജിഫുകള്‍, ഡോക്യുമെന്റുകള്‍ എന്നിവ അടങ്ങുന്ന മീഡിയ സന്ദേശങ്ങളുടെ ക്യാപ്ഷനുകളും എഡിറ്റ് ചെയ്യാന്‍ കഴിയുന്നതാണ് ഈ ഫീച്ചര്‍.
അയച്ച വിവിധ തരത്തിലുള്ള മീഡിയ സന്ദേശങ്ങളുടെ ക്യാപ്ഷനുകള്‍ 15 മിനിറ്റിനകം പുതുക്കുവാനും തെറ്റ് തിരുത്താനും കഴിയുന്നതാണ് പുതിയ ഫീച്ചര്‍. മീഡിയ സന്ദേശങ്ങളുടെ ഗുണമേന്മ വര്‍ധിപ്പിച്ച് ആശയവിനിമയം കൂടുതല്‍ കാര്യക്ഷമമാക്കാന്‍ ലക്ഷ്യമിട്ടാണ് പുതിയ ഫീച്ചര്‍ അവതരിപ്പിച്ചത്. നിലവില്‍ വാട്‌സ്ആപ്പിന്റെ പുതിയ വേര്‍ഷനിലേക്ക് മാറിയവര്‍ക്ക് മാത്രമാണ് ഈ ഫീച്ചര്‍ ലഭിക്കുക. ഭാവിയില്‍ എല്ലാവര്‍ക്കും ഇത് ലഭ്യമാക്കും.