മുൻ പ്രധാനമന്ത്രി എച്ച് ഡി ദേവഗൗഡ ആശുപത്രിയിൽ

ബെംഗളൂരു: മുന്‍ പ്രധാനമന്ത്രി എച്ച്.ഡി. ദേവഗൗഡയെ ആശുപത്രിയില്‍ പ്രവേശിപ്പിച്ചു. പനി, ചുമ, ശ്വാസകോശ സംബന്ധമായ അസുഖങ്ങള്‍ എന്നിവയെ തുടര്‍ന്നാണ് അദ്ദേഹത്തെ മണിപ്പാല്‍ ആശുപത്രിയില്‍ പ്രവേശിപ്പിച്ചത്.

കഴിഞ്ഞ മൂന്ന് ദിവസമായി പനിയും, ചുമയും അദ്ദേഹത്തെ അലട്ടുന്നുണ്ടെന്ന് ദേവഗൗഡയുടെ മരുമകനും ശ്രീ ജയദേവ ഇൻസ്റ്റിറ്റ്യൂട്ട് ഓഫ് കാർഡിയോവാസ്കുലർ സയൻസസ് ആൻഡ് റിസർച്ച് മുൻ ഡയറക്ടറുമായ സി.എന്‍. മഞ്ജുനാഥ് പറഞ്ഞു.