കടുത്ത സാമ്പത്തിക പ്രതിസന്ധിയില്‍ നട്ടം തിരിഞ്ഞ് ഹിമാചല്‍ പ്രദേശ്; രണ്ട് മാസത്തേക്ക് ശമ്പളം വേണ്ടെന്ന് വച്ച് മുഖ്യമന്ത്രിയും മന്ത്രിമാരും

ഷിംല: സംസ്ഥാനം സാമ്പത്തിക പ്രതിസന്ധിയിലായതിനാൽ എല്ലാ സംസ്ഥാന മന്ത്രിമാരും ചീഫ് പാർലമെൻ്ററി സെക്രട്ടറിമാരും (സിപിഎസ്) ക്യാബിനറ്റ് റാങ്കിലുള്ള അംഗങ്ങളും രണ്ട് മാസത്തേക്ക് ശമ്പളവും അലവൻസുകളും സ്വീകരിക്കില്ലെന്ന്‌ ഹിമാചൽ പ്രദേശ് മുഖ്യമന്ത്രി സുഖ്‌വീന്ദർ സിംഗ് സുഖു നിയമസഭയെ അറിയിച്ചു.

"ഇത് ഒരു ചെറിയ തുക മാത്രമാണ്, എന്നാൽ പ്രതീകാത്മകമാണ്. ഇതിനുപുറമെ, എല്ലാ എംഎൽഎമാരും ഇക്കാര്യത്തിൽ പങ്കുചേരണമെന്ന്‌ ഞാൻ അഭ്യർത്ഥിക്കുന്നു," അദ്ദേഹം കൂട്ടിച്ചേർത്തു.

സംസ്ഥാനത്തിൻ്റെ സാമ്പത്തിക സ്ഥിതി വെൻ്റിലേറ്ററിലാണെന്ന് മുഖ്യമന്ത്രി നിയമസഭയിൽ വ്യക്തമാക്കി.