ഞാൻ ക്രിസ്ത്യാനിയാണ് ,കൊല്ലരുത്, പ്ലീസ് "കലിമ ചൊല്ലാൻ ആവശ്യപ്പെട്ട ഭീകരനോട് മുട്ടുകാലിൽ നിന്നു കൊണ്ടാണ് അയാൾ ജീവനുവേണ്ടി യാചിച്ചത്, ഒരലിവും ഉണ്ടായില്ല, നെഞ്ചിലേക്ക് നിറയൊഴിച്ചു കൊലപ്പെടുത്തി

ഡൽഹി : മദ്ധ്യപ്രദേശിലെ ഇൻഡോർ സ്വദേശിയും LIC ബ്രാഞ്ച് മാനേജരുമാ യ സുശീൽ നഥാനിയേൽ (56) ഭാര്യ ജെന്നി ഫർ ,മകൻ ആസ്റ്റിൻ ,മകൾ ആകാംക്ഷ എന്നിവർക്കൊപ്പമാണ്  ഏപ്രിൽ 19 ന് മക്കളുടെ സ്‌കൂൾ അവധി കശ്‍മീരിൽ ആഘോഷിക്കാനെത്തിയത്.

ഏപ്രിൽ 22 നാണ് അവർ പഹൽഗാമിൽ എത്തിയത്. ഭീകരർ വെടി യുതിർക്കാൻ തുടങ്ങിയതോടെ സുശീൽ ,ഭാര്യയെയും മക്കളെയും കൂട്ടി ഓടി ഒരു ടെന്റിനു പിറകിലൊളിച്ചു. അൽപ്പനേരം കഴിഞ്ഞ പ്പോൾ ഭീകരർ അവിടെയെത്തി.

 ഞാൻ ക്രിസ്ത്യാനിയാണ് ,കൊല്ലരുത്, പ്ലീസ് "കലിമ ചൊല്ലാൻ ആവശ്യപ്പെട്ട ഭീകരനോട് മുട്ടുകാലിൽ നിന്നു കൊണ്ടാണ് അയാൾ ജീവനുവേണ്ടി യാചിച്ചു ,  ഒരലിവും ഉണ്ടായില്ലെന്ന് മാത്രമല്ല, ഭാര്യയുടെയും രണ്ടു മക്കളു ടെയും കണ്മുന്നിൽ വച്ച് ഭീകരർ അയാളുടെ നെഞ്ചിലേക്ക് തന്നെ നിറയൊഴിച്ചു കൊലപ്പെടുത്തുകയായിരുന്നു.

മുസ്ലീമാണോ എന്ന ചോദ്യത്തിന് മുട്ടുകാലിൽ ഇരുന്നു തൊഴുതു കൊണ്ടാണ്   " ഞാൻ ക്രിസ്ത്യാനിയാണ് ,കൊല്ലരുത്, Please " എന്ന അവസാനവാചകം അദ്ദേഹം ഉരുവിട്ടത്.

പിതാവ് വെടിയേറ്റുവീണതുകണ്ട്  ഉച്ചത്തിൽ കരഞ്ഞ സുശീലിന്റെ മകളുടെ മുട്ടിനും ഭീകരർ വെടിവച്ചു. മകൾ ആകാംക്ഷ ആശുപത്രിയിൽ ചികിത്സയിലാണ്.