പോലീസുകാർക്ക് ജന്മദിനത്തിനും വിവാഹ വാർഷികത്തിനും അവധി. പ്രത്യേക ദിവസങ്ങളിൽ ജീവനക്കാർക്ക് അവധിയെടുക്കാൻ അനുവദിക്കുന്നതിലൂടെ, സേനയിലുടനീളം സമ്മർദ്ദം കുറയ്ക്കാനും മനോവീര്യം മെച്ചപ്പെടുത്താനാകുമെന്നാണ് വകുപ്പ് പ്രതീക്ഷ

ബംഗളൂരു: കർണാടകയിൽ പോലീസുകാർക്ക് ജന്മദിനത്തിനും വിവാഹ വാർഷികത്തിനും അവധി നൽകാൻ ഉത്തരവ്. കർണാടക ഡിജിപിയാണ് ഉത്തരവിറക്കിയത്.

ജന്മദിനങ്ങളിലും വിവാഹ വാർഷികങ്ങളിലും പോലീസ് ഉദ്യോഗസ്ഥർക്ക് പ്രത്യേക കാഷ്വൽ ലീവ് അനുവദിച്ചുകൊണ്ട് ഡയറക്ടർ ജനറൽ ഓഫ് പോലീസ് (ഡിജിപി) സലിം ഉത്തരവ് പുറപ്പെടുവിച്ചു.

കുടുംബവും ഒത്തുള്ള ആഘോഷങ്ങൾ പോലീസുകാരുടെ സമ്മർദ്ദം കുറയ്ക്കുമെന്ന് ഡിജിപി സർക്കുലറിൽ പറയുന്നു.

പ്രത്യേക ദിവസങ്ങളിൽ ജീവനക്കാർക്ക് അവധിയെടുക്കാൻ അനുവദിക്കുന്നതിലൂടെ, സേനയിലുടനീളം സമ്മർദ്ദം കുറയ്ക്കാനും മനോവീര്യം മെച്ചപ്പെടുത്താനാകുമെന്നാണ് വകുപ്പ് പ്രതീക്ഷ.