ബി.ജെ.പി സംസ്ഥാന പ്രസിഡന്റ് രാജീവ് ചന്ദ്രശേഖറിന്റെ പിതാവ് എയർ കമ്മഡോർ എം കെ ചന്ദ്രശേഖർ അന്തരിച്ചു

ബംഗളൂരു: ബി.ജെ.പി. സംസ്ഥാന അധ്യക്ഷനും മുൻ കേന്ദ്രമന്ത്രിയുമായ രാജീവ് ചന്ദ്രശേഖറിന്റെ പിതാവും ഇന്ത്യൻ വ്യോമസേന മുൻ ഉദ്യോഗസ്ഥനുമായ എയർ കമ്മഡോർ മാങ്ങാട്ടിൽ കാരക്കാട്ട് (എം.കെ.) ചന്ദ്രശേഖർ (92) അന്തരിച്ചു. 

വാർധക്യസഹജമായ അസുഖങ്ങളെ തുടർന്ന് ബംഗളൂരുവിലെ ആശുപത്രിയിൽ ചികിത്സയിലായിരുന്നു.
1954-ൽ ഇന്ത്യൻ വ്യോമസേനയിൽ പ്രവേശിച്ച അദ്ദേഹം 1986-ൽ എയർ കമ്മഡോർ പദവിയിൽ നിന്നാണ് വിരമിച്ചത്. 

തൃശ്ശൂർ ജില്ലയിലെ ദേശമംഗലം സ്വദേശിയാണ്. ഭാര്യ: ആനന്ദവല്ലി. മക്കൾ: രാജീവ് ചന്ദ്രശേഖർ, ഡോ. ദയ മേനോൻ (യു.എസ്.എ.). മരുമക്കൾ: അഞ്ജു ചന്ദ്രശേഖർ, അനിൽ മേനോൻ (യു.എസ്.എ.). സംസ്കാരം സംബന്ധിച്ചുള്ള വിവരങ്ങൾ പിന്നീട് അറിയിക്കുമെന്ന് കുടുംബാംഗങ്ങൾ അറിയിച്ചു.