ഓപ്പറേഷൻ സിന്ദൂർ എന്ന സൈനിക നടപടി ഇപ്പോഴും തുടരുകയാണ്. ഇതുവരെ അവസാനിച്ചിട്ടില്ല. പാകിസ്ഥാന് മുന്നറിയിപ്പുമായി ഇന്ത്യൻ നാവികസേനാ മേധാവി

മുംബൈ: ഓപ്പറേഷൻ സിന്ദൂർ എന്ന സൈനിക നടപടി ഇപ്പോഴും തുടരുകയാണെന്ന് പാകിസ്ഥാന് ഇന്ത്യൻ നാവികസേനാ മേധാവി അഡ്മിറൽ ത്രിപാഠി മുന്നറിയിപ്പ് നൽകി.

മഹാരാഷ്ട്രയിലെ പൂനെയിൽ ഛത്രപതി ശിവാജി മഹാരാജന് സമർപ്പിച്ച ഇന്ത്യൻ നാവികസേനയുടെ മാരിടൈം മ്യൂസിയത്തിന് തറക്കല്ലിട്ട് സംസാരിക്കുകയായിരുന്നു അഡ്മിറൽ ത്രിപാഠി.

ഓപ്പറേഷൻ സിന്ദൂർ എന്ന സൈനിക നടപടി ഇപ്പോഴും നടന്നുവരുന്നുണ്ട് അത് ഇതുവരെ അവസാനിച്ചിട്ടില്ലെന്നും അദ്ദേഹം വ്യക്തമാക്കി.

നാവികസേന പൂർണ്ണമായി ഇതിൽ ഏർപ്പെട്ടിരിക്കുകയാണ്. ഇന്ത്യൻ നാവികസേന എപ്പോഴും യുദ്ധത്തിന് തയ്യാറാണ്. ഇന്ന്, സംഘർഷങ്ങൾ മുൻകൂട്ടി അറിയിക്കാതെയാണ് സംഭവിക്കുന്നത്.

ഇത് നമ്മൾ എപ്പോഴും സജ്ജരായിരിക്കണം എന്ന് ഓർമ്മിപ്പിക്കുന്നു. ഈ വിഷയത്തിൽ ഓപ്പറേഷൻ സിന്ദൂർ ഒരു മികച്ച ഉദാഹരണമാണ് എന്ന് അദ്ദേഹം വ്യക്തമാക്കി.

ഈ ഓപ്പറേഷൻ നാവികസേനയുടെ സന്നദ്ധതയും കഴിവും തെളിയിച്ചു. 

ഭീകരമായ പഹൽഗാം ആക്രമണത്തിന് ശേഷം, 96 മണിക്കൂറിനുള്ളിൽ പാകിസ്ഥാൻ നാവികസേനയെയോ അവരുടെ തുറമുഖങ്ങളെയോ ആക്രമിക്കാൻ ഞങ്ങൾ തയ്യാറെടുത്തു. അതിനായുള്ള എല്ലാ ഒരുക്കങ്ങളും പൂർത്തിയാക്കിയിരുന്നു. അഡ്മിറൽ ത്രിപാഠി പറഞ്ഞു.