പൊട്ടിത്തെറിച്ചത് ഹെയർ ഡ്രയർ അല്ലായിരുന്നു, കർണാടകയിൽ ഹെയര്‍ ഡ്രയര്‍ പൊട്ടിത്തെറിച്ചുണ്ടായ അപകടം കൊലപാതക ശ്രമം

കർണാടകയിൽ ഹെയര്‍ ഡ്രയര്‍ പൊട്ടിത്തെറിച്ച്‌ യുവതിയുടെ കൈപ്പത്തികൾ അറ്റ സംഭവത്തിൽ കൂടുതൽ കണ്ടെത്തലുകളുമായി പൊലീസ്. സംഭവം കൊലപാതക ശ്രമമായിരുന്നുവെന്നാണ് ഇപ്പോൾ പൊലീസിന്റെ പുതിയ കണ്ടെത്തൽ.

പാഴ്‌സലായി എത്തിയ ഹെയർ ഡ്രയർ പൊട്ടിത്തെറിച്ചാണ് അപകടമുണ്ടായത്. കർണാടക ബാഗൽകോട്ട് , ഇല്‍ക്കല്‍ സ്വദേശിനി ബസവരാജേശ്വരിയുടെ കൈവിരലുകളാണ് അപകടത്തിൽ അറ്റുപോയത്.

അയല്‍വാസിയായ ശശികലയെന്ന സ്ത്രീയുടെ പേരിൽ വന്ന പാഴ്‌സൽ തുറക്കുകയും, ഹെയര്‍ ഡ്രയര്‍ പ്രവര്‍ത്തിപ്പിക്കുകയും ചെയ്യുന്നതിനിടയിലാണ് അപകടം നടക്കുന്നത്. ഹെയർ ഡ്രയറിനുള്ളിൽ സ്ഫോടകവസ്തു വെക്കുകയും, കൊറിയർ അയക്കുകയും ചെയ്ത ഗ്രാനൈറ്റ് കമ്പനി സൂപ്പർവൈസർ സിദ്ധപ്പ എന്നയാളെ പൊലീസ് അറസ്റ്റ് ചെയ്തു. ഇയാൾ അപകടത്തിനിരയായ ബസവരാജേശ്വരിയുമായി അടുപ്പത്തിലായിരുന്നു.