താനെയിൽ ഫ്ലാറ്റിന്‍റെ അഞ്ചാം നിലയിലെ സ്ലാബ് തകർന്നുവീണു; മൂന്നുപേർക്ക് പരിക്ക്. ഒരാളുടെ നില ​ഗുരുതരം

  
മുംബൈ: മഹാരാഷ്ട്രയിലെ താനെയിൽ ഫ്ലാറ്റിന്‍റെ അഞ്ചാം നിലയിലെ സ്ലാബ് തകർന്ന് വീണ് മൂന്ന് പേർക്ക് പരിക്കേറ്റു.

ഒരാളുടെ നില ഗുരുതരമാണ്. ഗജേന്ദ്ര പ്രസാദ്, പ്രിൻസ് യാദവ്, പ്രദീപ് യാദവ് എന്നിവർക്കാണ് പരിക്കേറ്റത്.

ഇന്ന് പുലർച്ചെ മൂന്നിനായിരുന്നു സംഭവം.

അഞ്ചാം നിലയുടെ 501 - ആം മുറിയുടെ സ്ലാബാണ് ഇടിഞ്ഞ് തൊട്ടുതാഴെയുള്ള മുറിയിലേക്ക് വീണത്.

മൂന്ന് പതിറ്റാണ്ടിലേറെ പഴക്കമുള്ള ഫ്ലാറ്റിൽ ഏകദേശം 95 പേരാണ് താമസിക്കുന്നത്. ഇവിടെയുണ്ടായിരുന്ന മുഴുവൻ ആളുകളെയും അടുത്തുള്ള സ്കൂളിലേക്ക് മാറ്റി.

അഗ്നിശമന സേനാംഗങ്ങൾ, ദുരന്തനിവാരണ ഉദ്യോഗസ്ഥർ, പോലീസ് എന്നിവർ സ്ഥലത്തെത്തി രക്ഷാപ്രവർത്തനം നടത്തുകയും പരിക്കേറ്റവരെ അടുത്തുള്ള ആശുപത്രിയിൽ എത്തിക്കുകയും ചെയ്തു.