ഞാൻ ഒരു ക്രിസ്ത്യാനിയാണെന്ന് നിങ്ങൾ കരുതുന്നുവെങ്കിൽ ഞാൻ ഒരു ക്രിസ്ത്യാനിയാണ്. ഞാൻ മുസ്ലീമാണെന്ന് നിങ്ങൾ കരുതുന്നുവെങ്കിൽ ഞാൻ ഒരു മുസ്ലീമാണ്. ഞാൻ ഹിന്ദുവാണെന്ന് നിങ്ങൾ കരുതുന്നുവെങ്കിൽ ഞാൻ ഹിന്ദുവാണ്. എല്ലാ മതങ്ങളും നമ്മെ പഠിപ്പിക്കുന്നത് സ്നേഹം കാണിക്കാൻ മാത്രമാണെന്ന് ഉദയനിധി

ചെന്നൈ: താന്‍ 'അഭിമാനിക്കുന്ന ക്രിസ്ത്യാനി' ആണെന്ന് തമിഴ്നാട് ഉപമുഖ്യമന്ത്രി ഉദയനിധി സ്റ്റാലിന്‍. ക്രിസ്മസ് പരിപാടിയില്‍ സംസാരിക്കുകയായിരുന്നു അദ്ദേഹം.

കഴിഞ്ഞ വര്‍ഷം, ഒരു ക്രിസ്മസ് പരിപാടിയില്‍ പങ്കെടുക്കുമ്പോള്‍, ഞാന്‍ ഒരു ക്രിസ്ത്യാനിയാണെന്ന് അഭിമാനത്തോടെ പറഞ്ഞു, അത് ഉടന്‍ തന്നെ നിരവധി സംഘികളെ പ്രകോപിപ്പിച്ചു. എന്നാല്‍ ഇന്ന് ഞാന്‍ ഇത് വീണ്ടും പറയുന്നു: ഞാന്‍ ഒരു ക്രിസ്ത്യാനിയാണ്. ഉദയനിധി പറഞ്ഞു

''ഞാന്‍ ഒരു ക്രിസ്ത്യാനിയാണെന്ന് നിങ്ങള്‍ കരുതുന്നുവെങ്കില്‍, ഞാന്‍ ഒരു ക്രിസ്ത്യാനിയാണ്. ഞാന്‍ മുസ്ലീമാണെന്ന് നിങ്ങള്‍ കരുതുന്നുവെങ്കില്‍, ഞാന്‍ ഒരു മുസ്ലീമാണ്.

ഞാന്‍ ഹിന്ദുവാണെന്ന് നിങ്ങള്‍ കരുതുന്നുവെങ്കില്‍ ഞാന്‍ ഹിന്ദുവാണ്. ഞാന്‍ എല്ലാവര്‍ക്കും സാധാരണയാണ്. എല്ലാ മതങ്ങളും നമ്മെ പഠിപ്പിക്കുന്നത് സ്‌നേഹം കാണിക്കാന്‍ മാത്രമാണെന്നും അദ്ദേഹം കൂട്ടിച്ചേര്‍ത്തു.

അടുത്തിടെ ഒരു ജഡ്ജി വിദ്വേഷത്തോടെ സംസാരിക്കുന്നത് പോലും ഞങ്ങള്‍ കണ്ടു. അടുത്തിടെ നടന്ന ഒരു പരിപാടിയില്‍ സംസാരിക്കവെയാണ് അലഹബാദ് ജഡ്ജി മുസ്ലീങ്ങള്‍ക്കെതിരെ വിദ്വേഷ പരാമര്‍ശം നടത്തിയത്

അങ്ങനെയൊരാള്‍ ജഡ്ജി സ്ഥാനം വഹിക്കണോ എന്ന് ഞങ്ങള്‍ ചോദിച്ചു. അദ്ദേഹത്തിന്റെ കോടതിയില്‍ നിങ്ങള്‍ക്ക് എങ്ങനെ നീതി പ്രതീക്ഷിക്കാനാകും? ഉദയനിധി ചോദിച്ചു.