രണ്ടു ദിവസത്തെ സന്ദര്‍ശനം : രാഷ്ട്രപതി ദ്രൗപതി മുർമു ഇന്ന് മണിപ്പൂരില്‍

കലാപം കെട്ടടങ്ങാത മണിപ്പൂരിൽ രാഷ്ട്രപതി ദ്രൗപതി മുർമുവിന്റെ രണ്ടുദിവസത്തെ മണിപ്പൂർ സന്ദർശനത്തിന് ഇന്ന് തുടക്കമാകും. ഇന്ന് ഇൻഫാലിൽ എത്തുന്ന രാഷ്ട്രപതിയെ ഔദ്യോഗിക ബഹുമതികളുടെ സ്വീകരിക്കും. പോളോ പ്രദർശന മത്സരം വീക്ഷിച്ച ശേഷം വൈകിട്ട് സംസ്ഥാന സർക്കാർ ഒരുക്കുന്ന പരിപാടിയിൽ പങ്കെടുക്കും.

രണ്ടു ദിവസത്തെ സന്ദർശനത്തിൽ നിരവധി പദ്ധതികളുടെ ഉദ്ഘാടനവും ശിലാസ്ഥാപനവും രാഷ്ട്രപതി നിർവഹിക്കും. നാളെ ഇംഫാലിലെ നൂപി ലാൽ സന്ദർശിച്ച് മണിപ്പൂരിലെ ധീര വനിതകൾക്ക് ആദരാഞ്ജലി അർപ്പിക്കും. തുടർന്ന് സേനാപതിയിലേക്ക് എത്തുന്ന രാഷ്ട്രപതി പൊതുസമ്മേളനത്തിന് അഭിസംബോധന ചെയ്യുകയും വിവിധ പദ്ധതികൾക്ക് തുടക്കം കുറിക്കുകയും ചെയ്യും.