200 വർഷത്തെ സേവനങ്ങൾക്ക് വിരാമം; ബെൽഫാസ്റ്റ് സിറ്റി സെന്‍റർ റെയിൽവേ സ്റ്റേഷൻ അടച്ചു, ഇന്ന് മുതൽ ട്രാൻസ്‌ലിങ്ക് അവതരിപ്പിച്ച പുതുക്കിയ ട്രെയിൻ ടൈംടേബിൾ

ബെൽഫാസ്റ്റ്: 200 വർഷത്തെ പ്രവർത്തനം ‌അവസാനിപ്പിച്ച് ബെൽഫാസ്റ്റ് സിറ്റി സെന്‍റർ റെയിൽവേ സ്റ്റേഷൻ. ഈ വർഷാവസാനം പുതിയ പൊതുഗതാഗത കേന്ദ്രം പ്രവർത്തനം ആരംഭിക്കുന്ന  സാഹചര്യത്തിലാണ് ബെൽഫാസ്റ്റിന്‍റെ സിറ്റി സെന്‍റർ റെയിൽവേ സ്റ്റേഷൻ അടച്ചിടാനുള്ള തീരുമാനം അധികൃതർ എടുത്തത്. 

ഏകദേശം 200 വർഷം പഴക്കമുള്ളതാണ് ബെൽഫാസ്റ്റിലെ ഗ്രേറ്റ് വിക്ടോറിയ സ്ട്രീറ്റിലെ റെയിൽ സേവനങ്ങൾ. റെയിൽ, ബസ് സർവീസുകൾ സംയോജിപ്പിച്ചാണ് പുതിയ സ്റ്റേഷൻ നിർമിക്കുന്നത്.

അവസാന ട്രെയിൻ ഗ്രേറ്റ് വിക്ടോറിയ സ്ട്രീറ്റ് സ്റ്റേഷനിൽ നിന്ന് രാത്രി 11:32 (BST) ന് പുറപ്പെട്ടു. പുതിയ ഗതാഗത കേന്ദ്രമായ ബെൽഫാസ്റ്റ് ഗ്രാൻഡ് സെൻട്രൽ സ്റ്റേഷൻ ശരത്കാലം വരെ തുറക്കില്ല. റെയിൽ ശൃംഖലയെ പുതിയ ഹബ്ബുമായി ബന്ധിപ്പിക്കുന്നതിന് അത്യാവശ്യമായ അടിസ്ഥാന സൗകര്യ ജോലികൾ പുരോഗമിക്കുകയാണ്. 

ബൊട്ടാണിക്, ലാനിയോൺ പ്ലേസ് എന്നീ റെയിൽവേ സ്റ്റേഷനും യൂറോപ്പ ബസ് സ്റ്റേഷനും തുടർന്നും പ്രവർത്തിക്കും.   ഇന്ന് മുതൽ, ട്രാൻസ്‌ലിങ്ക് അവതരിപ്പിച്ച പുതുക്കിയ ട്രെയിൻ ടൈംടേബിൾ നിലവിൽ വന്നിട്ടുണ്ട്. ഇത് ശരത്കാലം വരെ പ്രവർത്തിക്കും. പിന്നീട് വേനൽക്കാലത്ത്, ലാനിയോൺ പ്ലേസിനും ലിസ്ബേണിനുമിടയിൽ റെയിൽ പാത അടയ്ക്കും. ഇതിന് പകരം കൂടുതൽ ബസ് സർവീസുകൾ ഉണ്ടായിരിക്കും.

‘‘തനിക്കും മകനും ട്രെയിനുകളിൽ താൽപ്പര്യമുണ്ട്. ഡബ്ലിനിലേക്ക് ധാരാളം യാത്ര പോകാറുണ്ട്. ഗ്രേറ്റ് വിക്ടോറിയ സ്ട്രീറ്റ് സ്റ്റേഷനിലെ ചരിത്രപരമായ കെട്ടിടവും ആകർഷകമായ വാസ്തുവിദ്യയും ഇനി ഓർമ്മകളിലേക്ക് മടങ്ങുകയാണ്. ചെറുപ്പക്കാരും പ്രായമായവരുമായ നിരവധി ട്രെയിൻ പ്രേമികളുള്ള പ്ലാറ്റ്‌ഫോമിൽ തങ്ങളുടേത് മനോഹരമായ ഓർമ്മകളാണ്.പുതിയ ഹബ് തിളക്കമാർന്നതായിരിക്കും. ഇത് നഗരത്തിന് ഒരു പുതിയ മുഖം നൽകും ’’ –അവസാന ട്രെയിൻ വരുന്നതും കാത്തിരുന്ന സ്റ്റുവർട്ട് ഹാമിൽട്ടൺ പറഞ്ഞു.  

ഗ്രേറ്റ് വിക്ടോറിയ സ്ട്രീറ്റ് അടച്ചുപൂട്ടുന്നതും പുതിയ ഹബ് തുറക്കുന്നതും തമ്മിലുള്ള അന്തരം നിരവധി സ്ഥിരം യാത്രക്കാർക്ക് അസൗകര്യമുണ്ടാക്കും. വെള്ളിയാഴ്ച രാവിലെ ഒരു യാത്രക്കാരി പറഞ്ഞതായി ബിബിസി റിപ്പോർട്ട് ചെയ്തു. ആഴ്ചയിൽ അഞ്ച് ദിവസവും ജോലിക്ക് സമയത്ത് എത്താൻ ഏകദേശം ഒരു മണിക്കൂർ മുൻപ് വീട്ടിൽ നിന്ന് ഇറങ്ങേണ്ടി വരും. 

എനിക്ക് ഇപ്പോൾ ഒരു ബസ് കിട്ടാനുണ്ട്, ട്രെയിനുകൾ ഇപ്പോഴും ഓടുന്നുണ്ടെന്ന് അവർ പറയുന്നതിനാൽ എനിക്ക് എന്‍റെ ട്രെയിൻ ടിക്കറ്റ് ബസുകളിൽ ഉപയോഗിക്കാൻ കഴിയില്ല. എന്നാൽ എനിക്ക് കൃത്യസമയത്ത് ജോലിയിൽ പ്രവേശിക്കാനുള്ള സമയത്ത് ഓടുന്നില്ല, അതിനാൽ എനിക്ക് ഒന്നിലധികം ട്രെയിനുകളും ഒന്നിലധികം ബസുകളും യാത്ര നടത്തേണ്ടി വരുന്നു. 

നിലവിലെ നിർമാണ ജോലി പൂർത്തിയാക്കേണ്ടതുണ്ടെന്നും ഇത് സേവനങ്ങൾ മെച്ചപ്പെടുത്തുന്നതാണെന്നും , എന്നാൽ  ജോലിക്ക് ആളുകൾക്ക് സമയത്ത് എത്താൻ കഴിയുന്ന വിധത്തിലുള്ള സംവിധാനങ്ങളും നടപ്പിലാക്കണമെന്ന് യാത്രക്കാരി കൂട്ടിച്ചേർത്തു.