ട്രംപ് വൈറ്റ് ഹൗസില്‍, ബൈഡനുമായി കൂടിക്കാഴ്ച, നിയുക്ത പ്രസിഡന്റിനെ ഹസ്തദാനത്തോടെ വരവേറ്റ് നിലവിലെ പ്രസിഡന്റ്‌

വാഷിംഗ്ടണ്‍: വൈറ്റ് ഹൗസിലെത്തി യുഎസ് പ്രസിഡന്റ് ജോ ബൈഡനെ സന്ദര്‍ശിച്ച് നിയുക്ത പ്രസിഡന്റ് ഡൊണാള്‍ഡ് ട്രംപ്. ട്രംപിനെ ഹസ്തദാനം നല്‍കിയാണ് ബൈഡന്‍ സ്വീകരിച്ചത്. ജനുവരിയിൽ സുഗമമായ അധികാര കൈമാറ്റം ഇരുവരും വാഗ്ദാനം ചെയ്തു. 

ട്രംപിൻ്റെ വിജയത്തിൽ ബൈഡൻ അഭിനന്ദനം അറിയിച്ചു. രാഷ്ട്രീയം കടുപ്പമേറിയതാണെന്നും, ഈ ലോകം എല്ലായ്‌പ്പോഴും നല്ലതല്ലെന്നും ട്രംപ് പറഞ്ഞു. എന്നാല്‍ ഇപ്പോള്‍ നല്ലതാണെന്നും അദ്ദേഹം കൂട്ടിച്ചേര്‍ത്തു.