കാനഡയിലെ ഹാലിഫാക്സ് സ്റ്റാന്‍ഫീല്‍ഡ് അന്താരാഷ്ട്ര വിമാനത്താവളത്തില്‍ ലാന്റിംഗിനിടെ വിമാനത്തിന് തീപിടിച്ചു

കാനഡ: കാനഡയിലെ ഹാലിഫാക്സ് സ്റ്റാന്‍ഫീല്‍ഡ് അന്താരാഷ്ട്ര വിമാനത്താവളത്തില്‍ ലാന്റിംഗിനിടെ വിമാനത്തിന് തീപിടിച്ചു. 

പിഎഎല്‍ എയര്‍ലൈന്‍സിന്റെ ദ എയര്‍ കാനഡ എക്സ്പ്രസിന് ലാന്റിംഗിനിടെ ഗിയറുമായി ബന്ധപ്പെട്ട് സാങ്കേതിക പ്രശ്നം ഉണ്ടാവുകയായിരുന്നു. 

ന്യൂഫൗണ്ട് ലാന്റില്‍ നിന്നും വരികയായിരുന്നു വിമാനം. ലാന്റിംഗ് നടത്തുന്നതിനിടയില്‍ ഇരുപത് ഡിഗ്രി ചരിഞ്ഞ വിമാനത്തിന്റെ ചിറകുകള്‍ താഴെ ഉരസുന്നത് അറിയാന്‍ കഴിയുമായിരുന്നെന്നാണ് ഒരു യാത്രികന്‍ പ്രതികരിച്ചത്.

 ഭാഗീകമായി തീപിടിച്ച വിമാനത്തില്‍ നിന്നും യാത്രികരെ ഒഴിപ്പിച്ചു. 80 യാത്രികര്‍ക്ക് സഞ്ചരിക്കാവുന്ന വിമാനത്തില്‍ എത്ര യാത്രികര്‍  ഉണ്ടെന്നുള്ള
കാര്യത്തില്‍ സ്ഥിരീകരണം ഉണ്ടായിട്ടില്ല.

വിമാനത്തിലുണ്ടായിരുന്ന യാത്രക്കാരെയും ക്രൂ അംഗങ്ങളെയും ഉള്‍പ്പെടെ എല്ലാവരെയും രക്ഷപ്പെടുത്തിയെന്നും ചികിത്സ ഉറപ്പാക്കിയെന്നും വിമാനത്താവളത്തിലെ വക്താവ് വ്യക്തമാക്കിയിട്ടുണ്ട്. ലാന്റിംഗ് ഗിയര്‍ ഫെയിലിയറിനെ കുറിച്ചുള്ള അന്വേഷണം ആരംഭിച്ചു കഴിഞ്ഞു.