വീൽ ചെയറിലെ ഉരുക്കു വനിത സലീന സുറുമിയുടെ "പ്രവാസം" എന്ന നോവൽ പ്രകാശനം ചെയ്തു

മക്ക: വീൽ ചെയറിലെ ഉരുക്കു വനിത കൂട്ടിലങ്ങാടിയിലെ സലീന സുറുമി രചിച്ച പ്രവാസി എന്ന പുസ്തകം സൗദി കെഎംസിസി പ്രസിഡന്റ് കുഞ്ഞുമോൻ കാക്കിയ പ്രകാശനം ചെയ്തു.

സ്നേഹചിറകിലേറി വിശുദ്ധ നഗരിയിൽ ഉംറക്കെത്തിയ ഇരുപതോളം ഭിന്നശേഷിക്കാർക്ക് മക്ക കെഎംസിസി  വൈസ് ചെയർമാൻ ഇസ്സുദ്ധീൻ 
ആലുക്കലിന്റെ വില്ലയിൽ  മക്ക കെഎംസിസി സംഘടിപ്പിച്ച സ്നേഹ വിരുന്നിലാണ് ഭിന്ന ശേഷിക്കാരി കൂടിയായ സലീന സുറുമി രചിച്ച പ്രവാസിയുടെ ജീവിതങ്ങളിലൂടെ കടന്നു പോകുന്ന പുതിയ രചന "പ്രവാസം" പ്രകാശനം ചെയ്തത് .

ജീവിത പ്രയാസങ്ങളിൽപെട്ട് വിഷമജീവിതം നയിക്കുമ്പോഴും പ്രവാസിയുടെ വിഷമങ്ങളെ മനോഹരമായ രീതിയിൽ കുറിച്ച് വെച്ച സലീന സുറുമിയുടെ രചന സാഹിത്യ ലോകത്തിനു തന്നെ കനപ്പെട്ട സംഭാവനയാണെന്ന് കുഞ്ഞുമോൻ സാഹിബ്‌ പറഞ്ഞു..

ജീവിത പ്രയാസങ്ങൾ  അനുഭവിക്കുന്ന മുഴുവൻ  ആളുകളുടെയും കൂടെ മക്കാ കെഎംസിസിസി എപ്പോഴും ഉണ്ടാകുമെന്നും എല്ലാ സഹായങ്ങൾക്കും തുടർന്നും ഞങ്ങളെ സമീപിക്കാം എന്നും അദ്ദേഹം പറഞ്ഞു.

മക്ക കെഎംസിസി ജനറൽ സെക്രട്ടറി മുജീബ് പൂക്കോട്ടൂർ അധ്യക്ഷത വഹിച്ചു.വളണ്ടിയർ മാരായി നാട്ടിൽ നിന്ന് ഇവർക്ക് ഒപ്പം എത്തിയ ഷാജി വാറംകോട്, സലീന സുറുമി,നിയാസ് പൊന്മള നൗഷാദ് അരിപ്ര, റൈഹാനത്ത് മങ്കട,നൂർജഹാൻ കരുവാരക്കുണ്ട് എന്നിവർക്ക് മക്ക കെഎംസിസി ഉപഹാരം നൽകി ആദരിച്ചു..

ഇസ്സുദ്ധീൻ ആലുക്കൽ, കുഞ്ഞാപ്പ പൂകോട്ടൂർ, ഹാരിസ് പെരുവള്ളൂർ, സിദ്ധിഖ്‌ കൂട്ടിലങ്ങാടി, എം സി നാസർ ,  സമീർ ബദർ,അമീർ സമീം ദാരിമി എന്നിവർ പ്രസംഗിച്ചു .

ഭിന്ന ശേഷിക്കാർക്ക് വേണ്ടി കെഎം കുട്ടി ഓമാനൂർ എഴുതിയ ഗാനം മുസ്തഫ മലയിൽ ആലപിച്ചു. മുസ്തഫ മലയിൽ സ്വാഗതവും സിദ്ധിഖ്‌ കൂട്ടിലങ്ങാടി നന്ദിയും പറഞ്ഞു.