വേൾഡ് മലയാളി കൗണ്‍സിൽ യുറോപ്പ് റീജിയൻ സാംസ്‌കാരിക വേദി ഒരുക്കിയ ഓണാഘോഷം പ്രൗഢോജ്വലമായി

യുകെ: സെപ്റ്റംബർ 28-ാം തീയതി വൈകുന്നേരം നാലുമണിക്ക് (15:00 യുകെ, 19:30 ഇന്ത്യന്‍ ടൈം) വെർച്ച്വൽ പ്ളാറ്റ്ഫോമിലൂടെ ഒരുക്കിയ തിരുവോണാഘോഷം വേൾഡ് മലയാളി കൗൺസിലിൻ്റെ സ്ഥാപക നേതാക്കന്മാരിലൊരാളും ഗ്ളോബൽ ചെയർമാനുമായ ഗോപാലൻപിള്ള ഉദ്ഘാടനം ചെയ്‌തു.

കാലടി സംസ്കൃ‌ത സർവകലാശാല, കണ്ണൂർ യൂണിവേഴ്‌സിറ്റി, കലാമണ്ഡലം യൂണി വേഴ്സിറ്റി എന്നീ യൂണിവേഴ്‌സിറ്റികളിൽ വൈസ് ചാൻസലർ ആയി സേവനം ചെയ്തിട്ടുള്ള ഡോ. ദിലീബ് കുമാർ ആയിരുന്നു മുഖ്യാതിഥിയും, മുഖ്യ പ്രഭാഷകനും. വേൾഡ് മലയാളി കൗൺസിൽ ഗ്ളോബൽ പ്രസിഡൻ്റ് ജോൺ മത്തായിയും, യൂറോപ്പ് റീജിയൻ ചെയർമാൻ ജോളി തടത്തിലും എല്ലാവർക്കും ഓണാശംസകൾ നേർന്നു.

വേൾഡ് മലയാളി കൗൺസിൽ യൂറോപ്പ് റീജിയൻ പ്രസിഡൻ്റ് ജോളി എം. പടയാട്ടിൽ എല്ലാവരേയും സ്വാഗതം ചെയ്തു‌. വേൾഡ് മലയാളി കൗൺസിൽ ഇന്ത്യാറീജിയൻ പ്രസിഡൻ്റ് ഡോ. പി.എം. നായർ ഐ. പി.എസ്, അമേരിക്കൻ റീജിയൻ പ്രസിഡൻ്റ് ജോൺസൻ തലശല്ലൂർ, എൻ.ആർ.കെ. പ്രസിഡന്റ് അബ്‌ദുൾ ഹാക്കിം, നോർത്ത് ടെക്‌സാസ് പ്രൊവിൻസ് ചെയർപേഴ്സൻ ആൻസി തലശല്ലൂർ, ജർമൻ പ്രൊവിൻസ് സെക്രട്ടറി ചിനു പടയാട്ടിൽ എന്നിവർ ഓണാശംസകൾ നേർന്നു സംസാരിച്ചു.

സംഗീതാധ്യാപകനായ അജയ് കുമാറിൻ്റെ ഈശ്വരപ്രാർത്ഥനയോടെയാണ് ഓണാഘോഷം തുടങ്ങിയത്. തുടർന്ന് രാജു കുന്നക്കാട്ട്, ഷൈബു ജോസഫ്, ബിജു ജോസഫ് എന്നിവരുടെ നേതൃത്വത്തിൽ അയര്‍ലണ്ട് പ്രൊവിൻസിൽ നിന്നുള്ള ചെണ്ടമേളവും, മഹാബലിയുടെ വേഷമണിഞ്ഞെത്തിയ യു.കെ പ്രൊവിൻസ് പ്രസിഡൻ്റ് സൈബിൻ പാലാട്ടിയും, വേദിയിൽ നിറഞ്ഞുനിന്നപ്പോൾ എല്ലാവർക്കും ഹൃദ്യവും ആവേശകരവുമായ കാഴ്ചകളായി അതുമാറി.

കേരളത്തിന്റെ തനിമ തുളുമ്പിയ ഈണങ്ങൾകൊണ്ടും, ചുവടുകൾ കൊണ്ടും അമേരിക്കയിലെ നോർത്തു ടെക്‌സാസ് പ്രൊവിൻസിൽ നിന്നുള്ള റാണി ബിജു, രാജി ബിജു, നീന മാത്യു, സോണിയ പോൾ, സ്‌മിത ജോൺ, സ്‌മിത ജോസഫ്, അനിത തോമസ്, ജൂലിയറ്റ് ജോസഫ് എന്നീ നർത്തകിമാർ ചേർന്നവതരിപ്പിച്ച തിരുവാതിരയും കാണികളെ ഓണനാളുകളിലേക്കു കൊണ്ടുവന്നു.

ചടുലമായ ചുവടുകളുടെ വിന്യാസത്തിൽ മാറ്റ, താള ലയങ്ങളിൽ നൃത്തവേദിയൊരുക്കിയ അയർലണ്ടിൽ നിന്നുള്ള നർത്തകിയ ഗ്രെയിസ് മറിയ, മിഷനീ റിമൻറ, ഏവലിൻ ആബി, ജെയിംസ്, എവറാസ് ജോസ് എന്നിവരുടെ നൃത്തനങ്ങൾ ഹൃദ്യമായിരുന്നു.

സംഗീതത്തിന്റെ താളമർമരങ്ങളെ തൊട്ടുണർത്തി, പശ്ചാത്തല സംഗീതത്തിന്റെ ഭാവധാരകൾ അനുഭവവേദ്യമാക്കി അമേരിക്കയിലെ നോർത്ത് ടെക്‌സാസ് പ്രൊവിൻസിൽ നിന്നും പ്രസിധ അമേരിക്കൻ ഗായകരായ ജോൺസൻ തലശല്ലൂർ, ആൻസി തലശല്ലൂർ എന്നിവരുടെ നേതൃത്വത്തിൽ സമ്മേഴ്‌സ് അഗസ്റ്റിൻ, ജോപ്പൻ ആലുക്കൽ, ലിജ സോയി, റാണി റോബിൻ, അമ്പിളി ലിസ ടോം, സ്‌മിത ഷാൻ മാത്യു എന്നിവർ ചേർന്നാലപിച്ച ഗാനങ്ങൾ സംഗീതപെരുമഴയായി മാറി.

ഇന്ത്യാ റീജിയണിൽ നിന്നുള്ള സംഗീതധ്യാപകനും, മികച്ച ഗായകനുമായ അജയ് കുമാറിന്റെ പൂവേ പൂവേ എന്ന ഗാനം ശ്രോതാക്കളെ സംഗീതത്തിൻ്റെ അനന്തവിസ് മൃതിയിലേക്ക് നയിക്കുന്നതായിരുന്നു. 

പ്രസിദ്ധ എഴുത്തുകാരനും, കഥാക്യത്തും, വേൾഡ് മല യാളി കൗൺസിൽ ഇന്ത്യാ റീജിയൻ വൈസ് പ്രസിഡൻ്റുമായ സേതുമാധവൻ അവതരിപ്പിച്ച ഓണവിചാരം എന്ന ചെറുകഥയും, പ്രൊഫസർ ഡോ. അന്നക്കുട്ടി ഫിൻഡെ വലിയ മംഗലം ഓണത്തെക്കുറിച്ചു ആലപിച്ച കവിതയും ഹ്യദ്യവും, ചിന്താദീപ്‌തവുമായിരുന്നു.

മികച്ച പ്രാസംഗികയും, ഡാൻസുകാരിയും, കലാകാരിയും ഇംഗ്ലണ്ടിൽ പഠിച്ചുകൊണ്ടിരിക്കുന്ന വിദ്യാർത്ഥിനിയുമായ അന്ന ടോമും, വേൾഡ് മലയാളി കൗൺസിൽ ഗ്ളോബൽ വൈസ് ചെയർമാനും, കലാസാംസ്കാരികരംഗത്ത് നിറഞ്ഞുനിൽക്കുന്ന വ്യക്തിയുമായ ഗ്രിഗറി മേടയിലും ചേർന്നാണ് ഈ കലാസാംസ്‌കാരിക വിരുന്ന് കൂടുതൽ ആസ്വാ ദ്യകരമാക്കി പകർന്നുതന്നത്. 

കമ്പ്യൂട്ടർ എൻജിനീയർ നിതീഷ് ഡേവീസാണ് ടെക്നിക്കൽ സപ്പോർട്ട് നൽകി ഓണാഘോഷത്തെ കൂടുതൽ മികവുറ്റതാക്കിയത്.

വേൾഡ് മലയാളി കൗൺസിൽ യൂറോപ്പ് റീജിയൻ ജനറൽ സെക്രട്ടറി ബാബു തോട്ടപ്പിള്ളി, ഗ്ളോബൽ ജനറൽ സെക്രട്ടറി ക്രിസ്റ്റോഫർ വർഗീസ്, ട്രഷറർ ശശി കുമാർ നായർ, യൂത്ത് ഫോറം പ്രസിഡൻ്റ് കൃഷ്‌ണകിരൻ കിഷാൻ, ഡോ.അജിൽ അബ്‌ദുള്ള, ഡോ.ജോർജ് കാളിയാടൻ, ഡെയിൽ എന്നിവരുടെ സജീവ സാന്നിദ്ധ്യമുണ്ടായിരുന്നു.

വേൾഡ് മലയാളി കൗൺസിൽ യൂറോപ്പ് റീജിയൻ ട്രഷറർ ഷൈബു ജോസഫ് കട്ടിക്കാട്ട് കൃതജ്ഞത പറഞ്ഞു.

ലോകത്തിന്റെ വിവിധ ഭാഗങ്ങളിലായി കഴിയുന്ന മലയാളികൾക്കായി എല്ലാ മാസത്തി ന്റേയും അവസാനത്തെ ശനിയാഴ്‌ച വേൾഡ് മലയാളി കൗൺസിൽ യൂറോപ്പ് റീജി യൻ ഒരുക്കുന്ന ഈ കലാസാംസ്‌കാരികവേദിയുടെ അടുത്ത സമ്മേളനം ഒക്ടോബർ 26-ാം തീയതി ഉച്ചകഴിഞ്ഞു മൂന്നുമണിക്ക് (യുകെ ടൈം) വെർച്ചിൽ പ്ളാറ്റ്ഫോമിലൂടെ നടക്കുന്നതാണ്. 

അടുത്ത സമ്മേളനത്തിൽ വേൾഡ് മലയാളി കൗൺസിൽ ലീഗൽ സെല്ലിന്റെ നേത്യത്വത്തിൽ പ്രഗത്ഭരായ സുപ്രീംകോടതി, ഹൈക്കോടതി അഭിഭാഷ കർ പങ്കെടുക്കുന്ന ചർച്ചകൾ ഉണ്ടായിരിക്കും. 

പ്രവാസികളുടെ നാട്ടിലുള്ള സ്വത്ത് സംര ക്ഷണം, ബിസിനസ്സ് സംരംഭങ്ങൾ, ഒസിഐ, പിഐഒ കാർഡ് പൗരത്വ നിയമം തുടങ്ങിയ വിഷ യങ്ങളായിരിക്കും ചർച്ച നടത്തുക. ഈ കലാസാംസ്‌കാരികവേദിയിൽ എല്ലാ പ്രവാസി മലയാളികൾക്കും അവർ താമസിക്കുന്ന രാജ്യങ്ങളിൽനിന്നുകൊണ്ടുതന്നെ ഇതിൽ പങ്കെ ടുക്കുവാനും, അവരുടെ കലാസൃഷ്‌ടികൾ അവതരിപ്പിക്കുവാനും, (കവിതകൾ, ഗാനങ്ങൾ തുടങ്ങിയവ ആലപിക്കുവാനും) ആശയവിനിമയങ്ങൾ നടത്തുവാനും അവസരം ഉണ്ടായിരിക്കുന്നതാണ്.

ആഗോളതലത്തിലുള്ള പ്രവാസി മലയാളികൾക്കായി ആരംഭിച്ചിരിക്കുന്ന ഈ കലാ സാംസ്കാരികവേദിയിൽ പ്രവാസികൾ അഭിമുഖീകരിക്കുന്ന സമകാലിക വിഷയങ്ങ ളെക്കുറിച്ചു സംവദിക്കാനും അവസരം ഉണ്ടായിരിക്കുന്നതാണ്.

എല്ലാ പ്രവാസി മലയാളികളേയും ഈ കലാസാംസ്‌കാരിക കൂട്ടായ്‌മയിലേക്ക് വേൾഡ് മലയാളി കൗൺസിൽ യൂറോപ്പ് റീജിയൻ സ്വാഗതം ചെയ്യുന്നു.