കുടുംബ വഴക്ക്: യുവതിയുടെ തല ഭര്‍ത്താവ് അടിച്ചുപൊട്ടിച്ചു

വണ്ടിപ്പെരിയാര്‍: കുടുംബ വഴക്കിനെത്തുടര്‍ന്ന് യുവതിയുടെ തല ഭര്‍ത്താവ് അടിച്ചു പൊട്ടിച്ചെന്ന് പരാതി. വള്ളക്കടവ് കുറുപ്പുപാലം കുരുനീയില്‍ വീട്ടില്‍ ഹക്കീമിന്റെ ഭാര്യ ഷൈബിക്കാണ് പരിക്കേറ്റത്. 

ശനിയാഴ്ച രാത്രി ഒമ്പതിന് വീട്ടില്‍ വഴക്കുണ്ടാകുകയും ഈ സമയം മദ്യപിച്ചിരുന്ന ഹക്കീം വീട്ടിലുണ്ടായിരുന്ന ചപ്പാത്തി ഉരുട്ടുകട്ട എടുത്ത് ഷൈബിയുടെ തലയ്ക്ക് അടിക്കുകയായിരുന്നു. 

രക്തത്തില്‍ കുളിച്ച ഇവര്‍ അയല്‍വക്കത്തെ വീട്ടില്‍ ഓടിയെത്തുകയും അവിടെനിന്നും സഹകരണ ആശുപത്രിയില്‍ എത്തിക്കുകയുമായിരുന്നു. സംഭവത്തില്‍ ബന്ധുക്കള്‍ പോലീസില്‍ പരാതി നല്‍കി.