സ്വകാര്യബസുകള്‍ തമ്മിലുള്ള മത്സരയോട്ടത്തിനിടെ ഡ്രൈവര്‍ ബസിന് നേരേ കല്ലെറിഞ്ഞു; വിദ്യാര്‍ത്ഥിനിക്ക് പരിക്ക്

പത്തനംതിട്ട: സ്വകാര്യബസുകള്‍ തമ്മിലുള്ള മത്സരയോട്ടത്തിനിടെ ഡ്രൈവറുടെ കല്ലേറില്‍ വിദ്യാര്‍ത്ഥിനിയായ യാത്രക്കാരിക്ക് പരിക്ക്. വിദ്യാര്‍ത്ഥിനിയെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

സംഭവത്തില്‍ ഡ്രൈവറെയും ബസും പോലീസ് കസ്റ്റഡിയിലെടുത്തു. പത്തനംതിട്ട പഴയബസ് സ്റ്റാന്‍ഡില്‍ വച്ചാണ് സംഭവം. ബസ് ഡ്രൈവറുടെ ലൈസന്‍സ് സസ്പെന്‍ഡ് ചെയ്യുമെന്ന് മോട്ടോര്‍ വാഹനവകുപ്പ് അറിയിച്ചു.