മരത്തിന്റെ ശിഖരം മുറിക്കുന്നതിനിടെ മരത്തില്‍ നിന്ന് വീണ് യുവാവ് മരിച്ചു

ഇടുക്കി: ബോഡിമെട്ടിനു സമീപം ചൂണ്ടലിലെ ഏലത്തോട്ടത്തില്‍ മരത്തിന്റെ ശിഖരം മുറിക്കുന്നതിനിടെ മരത്തില്‍ നിന്ന് വീണ് യുവാവ് മരിച്ചു. സേനാപതി കാറ്റൂതി പാണ്ടിമാക്കല്‍ റോണി (23) ആണ് മരിച്ചത്.

ബോഡിനായ്ക്കന്നൂര്‍ സ്വദേശിയുടെ ഉടമസ്ഥതയിലുള്ള ആര്‍എസ് കാര്‍ഡമം എസ്റ്റേറ്റില്‍ വെച്ചാണ് അപകടമുണ്ടായത്.

മരത്തില്‍ നിന്നും വീണ് ഗുരുതര പരുക്കേറ്റ റോണിയെ രാജകുമാരിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി.