17കാരിയോട് ലൈംഗികാതിക്രമം; പ്രതിക്ക് 51 വര്‍ഷം കഠിനതടവും 2.70 ലക്ഷം പിഴയും

കൊല്ലം: 17കാരിയോട് ലൈംഗിക അതിക്രമം നടത്തിയ കേസില്‍ പോക്സോ അടക്കമുള്ള വകുപ്പുകളിൽ പ്രതിക്ക് 51 വര്‍ഷം കഠിന തടവും 2.70 ലക്ഷം രൂപ പിഴയും.

കിളികൊല്ലൂര്‍ കന്നിമ്മേല്‍ ചേരിയില്‍ താമസിച്ചിരുന്ന ബിനു(38)വിനെയാണ് കൊല്ലം ഫാസ്റ്റ് ട്രാക്ക് സ്‌പെഷ്യല്‍ കോടതി ശിക്ഷിച്ചത്.

പിഴ ഒടുക്കിയില്ലെങ്കില്‍ 17 മാസം കൂടി അധിക കഠിനതടവ് അനുഭവിക്കണം. ശിക്ഷ ഒരുമിച്ച് അനുഭവിച്ചാല്‍ മതിയാകും.

പിഴ ഒടുക്കിയാല്‍ തുക അതിജീവിതയ്ക്ക് നല്‍കണമെന്നും ഈ തുകയ്ക്ക് പുറമേ വിക്ടിം കോമ്പന്‍സേഷന്‍ സ്‌കീമില്‍നിന്നും അതിജീവിതയ്ക്ക് നഷ്ടപരിഹാരം നല്‍കുന്നതിനും വിധിയില്‍ ജില്ലാ ലീഗല്‍ സര്‍വീസ് അതോറിറ്റിയോട് കോടതി ശുപാര്‍ശ ചെയ്തിട്ടുണ്ട്.