പാലത്തായി കേസ് വിദ്വേഷ പ്രചരണത്തിന് ഉപയോഗിക്കുന്നത് സി പി എം അവസാനിപ്പിക്കണം- റസാഖ് പാലേരി

കൊച്ചി: പാലത്തായി പീഢന കേസിൽ കോടതി ശിക്ഷിച്ച പ്രതിയുടെ മതം പറഞ്ഞ് ന്യായീകരിക്കാനുള്ള ശ്രമം സി പി എം അവസാനിപ്പിക്കണമെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി. തങ്ങൾ നഗർ എ.എം.ഐ. ഹാളിൽ നടന്ന വെൽഫെയർ പാർട്ടി പള്ളുരുത്തി മേഖല പ്രവർത്തക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ബിജെപി യുടെ നേതൃത്വത്തിൽ കേസ് അട്ടിമറിക്കാൻ നടന്ന നീക്കം പ്രതിരോധിച്ചത് പെൺകുട്ടിയുടെ കുടുംബവും ഇതിനെതിരെ രംഗത്തിറങ്ങിയ സംഘടനകളുമാണ്. അന്നത്തെ വകുപ്പ് മന്ത്രി ശൈലജ ടീച്ചർക്കെതിരെ പരാമർശിച്ചത് വിധിപുറപ്പെടുവിച്ച കോടതി തന്നെയാണ്.

യോഗത്തിൽ തൃപ്പൂണിത്തുറ മണ്ഡലം പ്രസിഡണ്ട് കെ.എം.ഹുസൈൻ അധ്യക്ഷത വഹിച്ചു. ടിപി അബ്ദുൽ ഖയ്യൂം, 56-ാം ഡിവിഷൻ സ്ഥാനാർത്ഥി ഷമീന, മണ്ഡലം സെക്രട്ടറി കെ.എസ്. നസീർ, പി.എ. അനീസ്, ഹസീന ഷുക്കൂർ തുടങ്ങിയവർ സംസാരിച്ചു.