മുടിയെ കൂടുതൽ ബലമുള്ളതാക്കാൻ തൈര് ഇങ്ങനെ ഉപയോ​ഗിക്കാം

പ്രോട്ടീനുകൾ, വിറ്റാമിനുകൾ, ആരോഗ്യകരമായ കൊഴുപ്പുകൾ എന്നിവയാൽ സമ്പന്നമായതിനാൽ തൈര് മുടിക്ക് നല്ലതാണ്. ഇത് മുടിയെ ആഴത്തിൽ പോഷിപ്പിക്കുകയും മോയ്സ്ചറൈസ് ചെയ്യുകയും ചെയ്യുന്നു. മുടിയിൽ നിന്ന് താരൻ അകറ്റാൻ സഹായിക്കുന്ന ഗുണങ്ങൾ തൈരിൽ അടങ്ങിയിരിക്കുന്നു. തൈരിൽ പ്രോട്ടീൻ ധാരാളമായി അടങ്ങിയിരിക്കുന്നതിനാൽ ഇത് മുടിയെ കൂടുതൽ ബലമുള്ളതാക്കുന്നു.

തൈരിൽ അടങ്ങിയിരിക്കുന്ന ആന്റി ഇൻഫ്ലമേറ്ററി, ആന്റി ബാക്ടീരിയൽ ഘടകങ്ങൾ തലയിലെ താരൻ നീക്കം ചെയ്യാനും ചൊറിച്ചിൽ ഇല്ലാതാക്കാനും സഹായിക്കുന്നു. ഒരു മുട്ടയുടെ വെള്ളയും രണ്ട് ടീസ്പൂൺ തെെരും നന്നായി യോജിപ്പിച്ച് മുടിയിൽ പുരട്ടുക. ഉണങ്ങി കഴിഞ്ഞാൽ തണുത്ത വെള്ളം ഉപയോ​ഗിച്ച് മുടി കഴുകുക.

ഒരു ബൗളിൽ രണ്ട് ടീ‌സ്പൂൺ കാപ്പിപ്പൊടി എടുക്കുക. ഇതിലേക്ക് മൂന്ന് ടീസ്പൂൺ തെെര്, രണ്ട് ടീസ്‌പൂൺ വെളിച്ചെണ്ണ എന്നിവ ചേർക്കുക. നന്നായി യോജിപ്പിച്ച ശേഷം മുടിയിൽ തേച്ച് പിടിപ്പിക്കുക. 15 മിനുട്ട് കഴിഞ്ഞ് ഷാംപൂ ഉപയോ​ഗിച്ച് തല കഴുകുക. ഒരു ബൗൾ തൈരിൽ ഒരു മുട്ടയുടെ വെള്ള ചേർക്കുക.

അതിലേക്ക് ഒരു ടേബിൾ സ്പൂൺ ഒലിവ് ഓയിലും ചേർത്ത് മിക്‌സ് ചെയ്യുക. ഇത് ആഴ്ചയിലൊരിക്കൽ തലയിൽ തേച്ച് പിടിപ്പിച്ച് കഴുകിക്കളയാവുന്നതാണ്. ഒരു കപ്പ് തൈരിൽ രണ്ടു ടീസ്പൂൺ വെളിച്ചണ്ണയും കാൽ കപ്പ് കറ്റാർവാഴ ജെല്ലും ചേർത്ത് മിക്‌സ് ചെയ്ത് ഉപയോഗിക്കാവുന്നതാണ്. ഇത് മുടിയെ കരുത്തുള്ളതാക്കുന്നു.