/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/07/ZNtWPNNqp0gTVTxkkmE2.jpeg)
കോട്ടയം: ജില്ലാ പഞ്ചായത്തിന്റെ 2023-24 വാര്‍ഷികപദ്ധതി കൈത്താങ്ങില്‍ ഉള്‍പ്പെടുത്തി ഭിന്നശേഷിക്കാര്‍ക്കായുള്ള സൈഡ് വീല്‍ ഘടിപ്പിച്ച സ്‌കൂട്ടറിന്റെയും ഇലക്ട്രിക് വീല്‍ചെയറിന്റെയും വിതരണ ഉദ്ഘാടനം സഹകരണ - തുറമുഖം - ദേവസ്വം വകുപ്പുമന്ത്രി വി. എന്‍. വാസവന്‍ നിര്‍വഹിച്ചു.
സമൂഹത്തില്‍ ഏറ്റവും വേദനയും കഷ്ടതകളും അനുഭവിക്കുന്നവരെ പൊതുധാരയിലേക്കു കൊണ്ടുവരുമ്പോഴേ യഥാര്‍ഥ വികസനം സാധ്യമാകു എന്നു മന്ത്രി പറഞ്ഞു.
മന്ത്രിയുടെ പ്രശംസ
സാമൂഹിക സേവനത്തിനായി വിവിധങ്ങളായ പദ്ധതികള്‍ നടപ്പാക്കുന്ന ജില്ലാ പഞ്ചായത്തിന്റെ പ്രവര്‍ത്തനങ്ങളെ മന്ത്രി പ്രശംസിച്ചു. അതിദാരിദ്രം ഇല്ലാതാക്കുന്നതിനായി കോട്ടയം ജില്ലാ പഞ്ചായത്ത് ഭാവനാസമ്പന്നമായ പ്രവര്‍ത്തികള്‍ക്കു നേതൃത്വം നല്‍കുന്നുണ്ടെന്നും മന്ത്രി ചൂണ്ടിക്കാട്ടി.
ജില്ലാ പഞ്ചായത്ത് അങ്കണത്തില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തന്‍കാല, ജില്ലാ പഞ്ചായത്ത് സ്ഥിരം സമിതി അധ്യക്ഷരായ പി.എം. മാത്യൂ, മഞ്ജു സുജിത്ത്, പി.എസ്. പുഷ്പമണി, ജില്ലാ പഞ്ചായത്തംഗങ്ങളായ നിര്‍മല ജിമ്മി, സുധാ കുര്യന്‍, പ്രൊഫ. ഡോ. റോസമ്മ സോണി, പി.ആര്‍. അനുപമ, ജോസ്മോണ്‍ മുണ്ടയ്ക്കല്‍, ഹൈമി ബോബി, ജില്ലാ പഞ്ചായത്ത് സെക്രട്ടറി പി.എസ്. ഷിനോ എന്നിവര്‍ പ്രസംഗിച്ചു.
കൈത്താങ്ങ് പദ്ധതി
കൈത്താങ്ങ് പദ്ധതിയിലൂടെ 70 ലക്ഷം രൂപ ചെലവിട്ട് 55 ഗുണഭോക്താക്കള്‍ക്കു സൈഡ് വീല്‍ ഘടിപ്പിച്ച സ്‌കൂട്ടറും 25 ലക്ഷം രൂപ ചെലവിട്ടു 23 ഗുണഭോക്താക്കള്‍ക്ക് ഇലക്ട്രോണിക് വീല്‍ചെയറുമാണ് നല്‍കിയത്.
2023-24 വര്‍ഷത്തെ പദ്ധതിയില്‍ ഉള്‍പ്പെടുത്തി 17 ലക്ഷം മുടക്കി 17 ഗുണഭോക്താക്കള്‍ക്കു സൈഡ് വീല്‍ ഘടിപ്പിച്ച സ്‌കൂട്ടര്‍ നേരത്തേ വിതരണം ചെയ്തിരുന്നു.