അതിജീവന പോരാട്ടങ്ങള്‍ ചരിത്രം മാത്രമല്ല വര്‍ത്തമാനം കൂടിയാണ് : ഫ്രറ്റേണിറ്റി

പെരിന്തല്‍മണ്ണ : മലബാറിന്റെയും മലപ്പുറത്തിന്റെയും അതിജീവന പോരാട്ടങ്ങള്‍ ചരിത്രം മാത്രമല്ല വര്‍ത്തമാനം കൂടിയാണെന്ന് ഫ്രറ്റേണിറ്റി മൂവ്‌മെന്റ്. കൊളോണിയല്‍ ശക്തികള്‍ക്കും വംശീയ ജാതീയതക്കും എതിരെ നടന്ന പോരാട്ടങ്ങള്‍ ചരിത്രത്തില്‍ നില്‍ക്കുന്ന ഒന്നല്ലയെന്നും ഇന്നും രാജ്യത്ത് നിലനില്‍ക്കുന്ന വംശീയതക്കും വിവേചനങ്ങള്‍ക്കുമെതിരെയുള്ള പോരാട്ടം നയിക്കാന്‍ പ്രേരിപ്പിക്കാന്‍ ശ്രമിക്കുന്ന ഒന്ന് കൂടിയാണ് നമ്മുടെ ചരിത്രമെന്ന് ഫ്രറ്റേണിറ്റി മലപ്പുറം ജില്ലാ പ്രഖ്യപന സമ്മേളനം അഭിപ്രായപ്പെട്ടു.

 ഫ്രറ്റേണിറ്റി മൂവ്‌മെന്റ് സംസ്ഥാന സെക്രട്ടറി ലത്തീഫ് പി എച്ച് ഉദ്ഘാടനംചെയ്തു. ജില്ലാ പ്രസിഡന്റ് ജംഷീല്‍ അബൂബക്കര്‍ പ്രമേയ പ്രഭാഷണം നടത്തി. ജില്ലാ ജനറല്‍ സെക്രട്ടറി ബാസിത് താനൂര്‍ അധ്യക്ഷത വഹിച്ചു. വി.ടി.എസ് ഉമര്‍ തങ്ങള്‍ മുഖ്യ പ്രഭാഷണം നടത്തി.

വെല്‍ഫെയര്‍ പാര്‍ട്ടി മണ്ഡലം വൈസ് പ്രസിഡന്റ് റഹ്‌മത്ത്.പി, ജില്ലാ വൈസ് പ്രസിഡന്റ് നിഷ്‌ല വണ്ടൂര്‍, ഫയാസ് ഹബീബ്, സബീല്‍ ചെമ്പ്രശ്ശേരി, റമീസ് ചാത്തല്ലൂര്‍, ഫായിസ് എലാങ്കോട്,ഷാറൂന്‍ അഹമ്മദ്, അല്‍താഫ് ശാന്തപുരം, അജ്മല്‍ തോട്ടോളി, മുന്‍ഷിദ വേങ്ങര, സുജിത്. പി,മൂഫീദ വി.കെ, അജ്മല്‍ ഷഹീന്‍ എന്നിവര്‍ പ്രസംഗിച്ചു.