/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/BrfqmEttqFhyAX7oMfb2.jpg)
തൃശൂര്: ഗുരുവായൂര് ക്ഷേത്രത്തില് ഇന്ന് (ഞായറാഴ്ച) 262 വിവാഹങ്ങള്. നിരവധി വിവാഹങ്ങള് നടക്കുന്ന സാഹചര്യത്തില് ദര്ശനവും വിവാഹ ചടങ്ങുകളും സുഗമമായി നടത്താന് ഗുരുവായൂര് ദേവസ്വം ക്രമീകരണങ്ങള് ഒരുക്കി.
ഭക്തര്ക്ക് തടസ്സമില്ലാതെ ക്ഷേത്ര ദര്ശനത്തിനും വഴിയൊരുക്കിയിട്ടുണ്ട്.
സമയബന്ധിതമായി പൂര്ത്തിയാക്കാന് ഇന്ന് പുലര്ച്ചെ 4 മണി മുതല് കല്യാണങ്ങള് ആരംഭിച്ചു. താലികെട്ടിനായി 5 മണ്ഡപങ്ങളാണ് സജ്ജമാക്കിയത്. താലികെട്ട് ചടങ്ങ് നിര്വ്വഹിക്കാന് ക്ഷേത്രംകോയ്മമാരെ മണ്ഡപത്തിലേക്ക് അധികമായി നിയോഗിച്ചിട്ടുണ്ട്. ക്ഷേത്രം കിഴക്കേ നടയില് ഒരു ദിശയിലേക്ക് മാത്രം ഭക്തരെ കടത്തിവിട്ട് തിരക്ക് നിയന്ത്രിക്കും.
ദര്ശന ക്രമീകരണം
ക്ഷേത്രത്തില് ക്രമാതീതമായ ഭക്തജന തിരക്ക് പ്രതീക്ഷിക്കുന്നതിനാല് ദര്ശനത്തിന് കൂടുതല് സൗകര്യമൊരുക്കാന് ക്ഷേത്രത്തില് പ്രദക്ഷിണം, അടി പ്രദക്ഷിണം, ശയനപ്രദക്ഷിണം എന്നിവ അനുവദിക്കില്ല.
ക്ഷേത്ര ദര്ശനത്തിന്നെത്തുന്ന ഭക്തര്ക്കും വിവാഹ ചടങ്ങിനെത്തുന്നവര്ക്കും കരുതലും സഹായവുമൊരുക്കി ദേവസ്വം ജീവനക്കാരും സെക്യൂരിറ്റി വിഭാഗവും പൊലീസും ഉണ്ടാകും.
ക്ഷേത്ര ദര്ശനവും വിവാഹ ചടങ്ങുകളും സുഗമായി നടത്താന് ഭക്തജനങ്ങളുടെ പിന്തുണയും സഹായവും ദേവസ്വം അഭ്യര്ത്ഥിച്ചു.