വയനാട് കഞ്ചാവും ഹാഷിഷ് ഓയിലുമായി നാല് യുവാക്കള്‍ പിടിയില്‍. ബത്തേരിയിലാണ് സംഭവം

വയനാട്: കഞ്ചാവും ഹാഷിഷ് ഓയിലുമായി നാല് യുവാക്കള്‍ പിടിയില്‍. ബത്തേരിയിലാണ് സംഭവം. ബാംഗ്ലൂര്‍ സ്വദേശികളായ മഹാലക്ഷ്മിപുരം, എ എന്‍. തരുണ്‍(29), കോക്സ് ടൌണ്‍, ഡാനിഷ് ഹോമിയാര്‍(30), സദാനന്ദ നഗര്‍, നൈനാന്‍ അബ്രഹാം(30), കോഴിക്കോട് സ്വദേശി മൂലംപള്ളി, സനാതനം വീട്ടില്‍, നിഷാന്ത് നന്ദഗോപാല്‍(28) എന്നിവരാണ് പിടിയിലാണ്.

ജില്ലാ പൊലീസ് മേധാവിയുടെ ലഹരി വിരുദ്ധ സ്‌ക്വാഡും ബത്തേരി പൊലീസുമാണ് പ്രതികളെ പിടികൂടിയത്. മുത്തങ്ങ തകരപ്പാടി പോലീസ് ചെക്ക് പോസ്റ്റിന് സമീപം നടത്തിയ പരിശോധനയിലാണ് ഇവര്‍ വലയിലാകുന്നത്.

ഗുണ്ടല്‍പെട്ട ഭാഗത്തുനിന്നും ബത്തേരി ഭാഗത്തേക്ക് ഓടിച്ചു വരികയായിരുന്നു കെ എ 01 എംഎക്‌സ് 0396 കാറില്‍ നിന്നുമാണ് 7.16 ഗ്രാം കഞ്ചാവും, 17.03 ഗ്രാം തൂക്കം വരുന്ന ഹാഷിഷ് ഓയിലും പിടിച്ചെടുക്കുന്നത്.