ഇടമലക്കുടിയിൽ പനി ബാധിച്ച് അഞ്ചുവയസുകാരൻ മരിച്ചു. കിലോമീറ്റർ ദൂരം ചുമന്നാണ് കുട്ടിയെ വാഹനമെത്തുന്നിടത്തേക്ക് എത്തിച്ചത്. ആശുപത്രിയിലെത്തുന്നതിനു മുന്നെ കുട്ടി മരിച്ചു

ഇടുക്കി: ഇടമലക്കുടിയിൽ പനി ബാധിച്ച് അഞ്ചുവയസുകാരൻ മരിച്ചു. ഇടമലക്കുടിയിലെ വിദൂര ആദിവാസി കുടിലുകളിൽ ഒന്നായ കൂടലാർകുടി സ്വദേശി മൂർത്തി ഉഷ ദമ്പതികളുടെ മകൻ കാർത്തി (5) ആണ് മരണപ്പെട്ടത്. 

അടിമാലി താലൂക്ക് ആശുപത്രിയിലേക്ക് കൊണ്ടുവരുന്നതിനിടെയാണ് മരണം. കിലോമീറ്റർ ദൂരം ചുമന്നാണ് കുട്ടിയെ വാഹനമെത്തുന്നിടത്തേക്ക് എത്തിച്ചത്. 

ആശുപത്രിയിൽ എത്തും മുൻപ് മരണം സംഭവിക്കുകയായിരുന്നു. സംഭവത്തിൽ വിശദമായ അന്വേഷണം നടത്തുമെന്ന് ആരോഗ്യ പ്രവർത്തകർ അറിയിച്ചു.