കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ തിരുകുടുബത്തിന്റെ രൂപം പ്രതിഷ്ടിച്ചു

കടുത്തുരുത്തി: കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയില്‍ പ്രധാന കവാടത്തിന് സമീപത്തെ ഗ്രോട്ടോയ്ക്കു സമീപം തിരുകുടുബത്തിന്റെ രൂപം പ്രതിഷ്ടിച്ചു. 

ലൂര്‍ദ് മാതാവിന്റെ ഗ്രോട്ടോയ്ക്ക് സമീപം പ്രത്യേകം തയാറാക്കിയ രൂപകൂട്ടിലാണ് ബാലനായ ഈശോയ്ക്കൊപ്പം മാതാവും വിശുദ്ധ യൗസേഫ് പിതാവുമുള്ള വലിയ രൂപം പ്രതിഷ്ടിച്ചിരിക്കുന്നത്.

താഴത്തുപള്ളിയിലെ പ്രധാന തിരുനാളായ തിരുകുടുംബത്തിന്റെ ദര്‍ശനത്തിരുനാളിനോടുനുബന്ധിച്ചാണ് തിരുസ്വരൂപ പ്രതിഷ്ട നടത്തിയത്. 

ഇന്നലെ വൈകൂന്നേരം ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍ തിരുകുടുംബത്തിന്റെ വെഞ്ചരിപ്പും പ്രതിഷ്ടയും നിര്‍വഹിച്ചു.

സഹവികാരിമാരായ ഫാ.മാത്യു തയ്യില്‍, ഫാ.ജോസഫ് ചീനോത്തുപ്പറമ്പില്‍, കൈക്കാരന്മാര്‍, പള്ളി കമ്മിറ്റിയംഗങ്ങള്‍, കുടുംബ കൂട്ടായ്മ ഭാരവാഹികള്‍, വിവിധ സംഘടനാ ഭാരവാഹികള്‍, ഇടവകാംഗങ്ങള്‍ തുടങ്ങിയവര്‍ പങ്കെടുത്തു.