സുരേഷ് ഗോപിക്ക് വേണ്ടി പല വിഐപികളും പിതാവിനെ സ്വാധീനിക്കാന്‍ ശ്രമിച്ചെന്ന് മകന്റെ ആരോപണം; വിവാദങ്ങള്‍ക്കിടെ ആലത്തൂരിലെ ഇടതുസ്ഥാനാര്‍ഥി കെ. രാധാകൃഷ്ണനായി വോട്ടഭ്യര്‍ഥിച്ച് കലാമണ്ഡലം ഗോപി

തൃശൂര്‍: ആലത്തൂർ മണ്ഡലം എൽഡിഎഫ് സ്ഥാനാർത്ഥി മന്ത്രി കെ രാധാകൃഷ്ണനായി വോട്ടഭ്യർത്ഥിച്ച് കലാമണ്ഡലം ഗോപി.  വീഡിയോ സന്ദേശത്തിലൂടെയാണ് കലാമണ്ഡലം ഗോപിയുടെ വോട്ടഭ്യർത്ഥന. മന്ത്രിയായ കെ രാധാകൃഷ്ണനെ വിജയിപ്പിക്കണമെന്ന് കലാമണ്ഡലം ഗോപി വീഡിയോയില്‍ പറയുന്നു.

കലാമണ്ഡലുമായി ബന്ധപ്പെട്ട് എല്ലാ പ്രവര്‍ത്തനങ്ങളിലും ഒപ്പം നിന്ന വ്യക്തിയാണ് രാധാകൃഷ്ണനെന്ന് അദ്ദേഹം പറഞ്ഞു. 

തൃശ്ശൂരിൽ സുരേഷ് ഗോപിക്ക് വേണ്ടി പല വിഐപികളും കലാമണ്ഡലം ഗോപിയെ സ്വാധീനിക്കാൻ ശ്രമിക്കുന്നുവെന്ന് മകൻ രഘുവിന്‍റെ ആരോപണം വിവാദമായിരുന്നു. പിന്നാലെ ഫേസ്ബുക്ക് പോസ്റ്റ് പിൻവലിച്ചെങ്കിലും ഇത് വലിയ ചർച്ചയായി.