നടുവേദന അനുഭവപ്പെട്ട് ആശുപത്രിയില്‍ ചികിത്സ തേടിയ 13-കാരി ഗര്‍ഭിണി. മകളെ പീഡിപ്പിച്ച് ഗര്‍ഭിണിയാക്കിയ കേസിൽ പിതാവ് അറസ്റ്റില്‍. പിതാവിന്റെ ഭീഷണിയെ തുടർന്നാണ് പീഡന വിവരം പുറത്ത് പറയാതിരുന്നതെന്ന് ഇരയുടെ മൊഴി

കാസര്‍കോട്: മകളെ പീഡിപ്പിച്ച് ഗര്‍ഭിണിയാക്കിയെന്ന കേസില്‍ പിതാവ് അറസ്റ്റില്‍. 13 വയസ്സുകാരിയെ പീഡിപ്പിച്ച് ഗര്‍ഭിണിയാക്കിയ കേസിലാണ് 45-കാരനെ പൊലീസ് അറസ്റ്റ് ചെയ്തത്. 

കാസര്‍കോട് ജില്ലയിലെ ഹൊസ്ദുര്‍ഗ് പൊലീസ് സ്റ്റേഷന്‍ പരിധിയിലാണ് സംഭവം. പീഡിപ്പിച്ചത് പിതാവ് ആണെന്ന് പെണ്‍കുട്ടി മൊഴി നല്‍കിയതോടെയാണ് പ്രതിയെ കസ്റ്റഡിയിലെടുത്തത്.

നടുവേദന അനുഭവപ്പെട്ട് ആശുപത്രിയില്‍ ചികിത്സ തേടിയതോടെയാണ് 13-കാരി ഗര്‍ഭിണിയാണെന്ന് മനസിലായത്. ഇതോടെ വിവരം പൊലീസിനെ അറിയിച്ചു. തുടര്‍ന്നാണ് പീഡിപ്പിച്ചത് പിതാവാണെന്ന് പെണ്‍കുട്ടി വെളിപ്പെടുത്തിയത്.

മാസങ്ങള്‍ക്ക് മുന്‍പാണ് പിതാവ് പീഡിപ്പിച്ചതെന്നും തുടര്‍ന്ന് ഭീഷണിപ്പെടുത്തിയെന്നും ഇതിനാലാണ് വിവരം പുറത്തുപറയാതിരുന്നതെന്നുമാണ് പെണ്‍കുട്ടിയുടെ മൊഴി.