കാസർകോട് ഓടിക്കൊണ്ടിരുന്ന കാറിന് തീപിടിച്ചു. തീ ആളിപ്പടർന്നപ്പോൾ ഡ്രൈവർ ഇറങ്ങിയോടി രക്ഷപ്പെട്ടു

കാസർകോട്: കാസർകോട് ഓടിക്കൊണ്ടിരുന്ന കാറിന് തീപിടിച്ചു. പുല്ലൂർ ബസ് സ്റ്റോപ്പിനു സമീപത്താണ് അപകടം.

പുല്ലൂർ തട്ടുമ്മൽ സ്വദേശി ശ്യാംജിത്തിന്റെ ഉടമസ്ഥതയിലുള്ള കാറിനാണ് തീ പിടിച്ചത്.

ഞായറാഴ്ച വൈകിട്ട് പുലൂർ ദേശീയപാതയിലായിരുന്നു അപകടം. തീ ആളിപ്പടർന്നപ്പോൾ ഡ്രൈവർ ഇറങ്ങിയോടി രക്ഷപ്പെട്ടു. 

കാഞ്ഞങ്ങാട് നിന്നെത്തിയ അഗ്നിരക്ഷാസേനയും നാട്ടുകാരും ചേർന്ന് തീയണച്ചു.