കാസർകോഡ് 60കാരനെ വീട്ടിൽ നിന്ന് തട്ടിക്കൊണ്ടുപോയതായി പരാതി; പിന്നിൽ ഗുണ്ടാസംഘമെന്ന് ബന്ധുക്കള്‍, രാജസ്ഥാൻ പൊലീസെന്ന് പറഞ്ഞെത്തിയ സംഘത്തിനെതിരെ അന്വേഷണം

കാസർകോഡ്: കാസർകോഡ് 60കാരനെ വീട്ടിൽ നിന്ന് തട്ടിക്കൊണ്ടുപോയതായി പരാതി. കാസർഗോഡ് വോർക്കാടി കൊമ്പംകുഴിയിലാണ് സംഭവം. അബ്ദുറഹ്മാൻ എന്നയാളെയാണ് ഒരു സംഘം ബലമായി വാഹനത്തിൽ കയറ്റി കൊണ്ടുപോയത്.

അബ്ദുറഹ്മാനെ തട്ടിക്കൊണ്ടു പോയത് ഗുണ്ടാ സംഘമാണെന്നാണ് ബന്ധുക്കളുടെ സംശയം. രാജസ്ഥാനിൽ നിന്നുള്ള പൊലീസ് സംഘമെന്ന് പറഞ്ഞാണ് അബ്ദുറഹ്മാനെ വാഹനത്തിൽ കയറ്റി കൊണ്ടുപോയതെന്നാണ് ബന്ധുക്കള്‍ പരാതിയിൽ പറയുന്നത്.

സംഭവ സമയം അബ്ദുറഹ്മാന്റെ ഭാര്യ അടക്കമുള്ളവർ വീട്ടിൽ ഉണ്ടായിരുന്നത്. ബന്ധുക്കളുടെ പരാതിയിൽ മഞ്ചേശ്വരം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.