ട്യൂഷന് പോകാൻ മടി, തട്ടിക്കൊണ്ടുപോകൽ കഥ മെനഞ്ഞ വിദ്യാർത്ഥി, പോലീസ് പിടികൂടി

കൊല്ലം: ട്യൂഷന് പോകാൻ മടി കാരണം കള്ള കഥമെന‍ഞ്ഞ വിദ്യാർത്ഥിയെ കൈയോടെ പിടിക്കൂടി പോലീസ്. കൊല്ലം ചവറയിൽ കഴിഞ്ഞ വെള്ളിയാഴ്ചയാണ് സംഭവം. ട്യൂഷൻ കഴിഞ്ഞ് വീട്ടിലേക്ക് പോകുകയായിരുന്ന തന്നെ തട്ടിക്കൊണ്ടുപോകാൻ ശ്രമിച്ചെന്ന് പറഞ്ഞ് പോലീസിനെയും നാട്ടുകാരെയും മണിക്കൂറുകളോളം പരിഭ്രാന്തിയിലാഴ്ത്തുകയായിരുന്നു.

സംഭവമറിഞ്ഞ് സ്ഥലത്ത് എത്തിയ പോലീസ് കുട്ടിയോട് കാര്യങ്ങൾ ചോദിച്ചറിഞ്ഞു. കാവിനു സമീപത്തുനിന്ന് രണ്ടുപേർ നടന്നുവന്നെന്നും ഉടൻതന്നെ ഒരു കാർ ഇവിടേക്ക് എത്തിയെന്നും ഇതുകണ്ട് ഓടി രക്ഷപ്പെട്ടെന്നുമാണ് കുട്ടി പറഞ്ഞത്. എന്നാൽ ഇത്തരത്തിലുള്ള ആളുകൾ ഇവിടെ പതിവാറായി എത്താറുണ്ടെന്നും കൂട്ടത്തിൽ ആരെങ്കിലും നടന്നുവന്നപ്പോൾ കുട്ടിക്ക് തട്ടിക്കൊണ്ടുപോകാൻ വരുന്നെന്ന് തോന്നിയതാകാമെന്ന അനുമാനത്തിലായിരുന്നു പോലീസ്.