കൊല്ലത്ത് വില്ലേജ് ഓഫീസിന്റെ മതിൽ ഇടിഞ്ഞു വീണ് അപകടം, വിമുക്തഭടന്റെ കൈ ഒടിഞ്ഞു

കൊല്ലം കൊട്ടാരക്കര താലൂക്കിലെ പവിത്രേശ്വരം വില്ലേജ് ഓഫീസിന്റെ മതിൽ തകർന്നു വീണ് പ്രദേശ വാസിയായ വിമുക്തഭടന്റെ കൈ ഒടിഞ്ഞു. പവിത്രേശ്വരം മലനട ശ്രീപത്മത്തിൽ എജി രാജേഷ് കുമാറിന്റെ വലതു കൈയാണ് ഒടിഞ്ഞു തൂങ്ങിയത്. ഇന്നലെ വൈകിട്ട് ഏഴോടെയായിരുന്നു സംഭവം.

വില്ലേജ് ഒഫീസിന്റെ മതിലിനോട് ചേർന്നുള്ള കളിത്തട്ടിൽ രാജേഷ് സുഹൃത്തുക്കളുമായി ഇരിക്കുമ്പോഴായിരുന്നു മതിൽ ഇടിഞ്ഞു വീണ്ത്. മഴയിൽ അപ്രതീക്ഷിതമായി മതിൽ ഇടിഞ്ഞു വീഴുകയായിരുന്നു. ചാടിമാറാൻ സമയം കിട്ടും മുന്നേ മതിലിന്റെ ഭാഗങ്ങൾ രാജേഷിന്റ കൈ്യ്യിലേക്ക്  ഇടിഞ്ഞു വീണു.

കൂടെ ഉണ്ടായിരുന്നവരുടെ ദേഹത്തേക്കും കട്ടയും കല്ലും തെറിച്ചു വീണെങ്കിലും കാര്യമായ പരിക്കു പറ്റിയില്ല. രാജേഷിനെ ഉടൻ തന്നെ പുത്തുരിലെ സ്വകാര്യ ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ കൊല്ലത്തെ സ്വകാര്യ ആശുപത്രിയിലേക്ക് മാറ്റി.