പാലാ നഗരസഭാ ചെയര്‍മാനായി തോമസ് പീറ്റര്‍ തെരഞ്ഞെടുക്കപ്പെട്ടു. യുഡിഎഫ് സ്ഥാനാര്‍ഥി ജോസ് എടേട്ടിനെയാണ് തോമസ് പീറ്റര്‍ പരാജയപ്പെടുത്തിയത്

പാലാ: നഗരസഭാ ചെയര്‍മാനായി കേരളാ കോണ്‍ഗ്രസ് (എം) അംഗം തോമസ് പീറ്റര്‍ തെരഞ്ഞെടുക്കപ്പെട്ടു.
നഗരസഭയിലെ മൂന്നാം വാര്‍ഡ് അംഗമാണ് തോമസ്. ഇത് രണ്ടാം തവണയാണ് കൗണ്‍സിലറാകുന്നത്.

ആരോഗ്യം, വിദ്യാഭ്യാസം കലാ-കായിക സ്റ്റാന്റിങ് കമ്മിറ്റി ചെയര്‍മാനായും പ്രവര്‍ത്തിച്ചിട്ടുണ്ട്. ഭാര്യ സിബില്‍ തോമസും മുന്‍ കൗണ്‍സിലറും ആരോഗ്യസ്ഥിരം സമിതി അധ്യക്ഷയുമായിരുന്നു.

എല്‍.ഡി.എഫ് മുന്നണി ധാരണ പ്രകാരമാണ് തോമസ് പീറ്റര്‍ ചെയര്‍മാനായി തെരഞ്ഞെടുക്കപ്പെട്ടത്.
തിങ്കളാഴ്ച നടന്ന തെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥി ജോസ് എടേട്ടിനെയാണു തോമസ് പീറ്റര്‍ പരാജയപ്പെടുത്തിയത്.

ചെയര്‍മാനായി തെരഞ്ഞെടുക്കപ്പെട്ട തോമസ് പീറ്ററിന് നഗരസഭാ ഹാളില്‍ സ്വീകരണം നല്‍കി. വൈസ് ചെയര്‍പേഴ്‌സന്‍ ബിജി ജോജോ അധ്യക്ഷത വഹിച്ചു. ആകെയുള്ള 26 പേരില്‍ 25 പേര്‍ വോട്ട് ചെയ്തു. തോമസ് പീറ്ററിന് 16 വോട്ടും ജോസ് എടേട്ടിന് 9 വോട്ടും ലഭിച്ചു.