പൊലീസുകാർക്ക് നേരെ ലഹരിസംഘത്തിന്റെ ആക്രമണം.മൂന്ന് പൊലീസുകാർക്ക് പരിക്ക്. ആറുപേർ കസ്റ്റഡിയിൽ. സംഭവം കോട്ടയത്ത്

കുറവിലങ്ങാട്: കോട്ടയം കടപ്ലാമറ്റം വയലായിൽ ലഹരി മാഫിയ സംഘത്തിൻ്റെ ആക്രമണത്തിൽ  മൂന്ന് പോലീസുകാർക്ക് പരിക്കേറ്റു. ലഹരി സംഘത്തിലെ ആറ് പേരെ മരങ്ങാട്ടുപിള്ളി പോലീസ് കസ്റ്റഡിയിൽ എടുത്തു. 

മരങ്ങാട്ടുപിള്ളി പോലീസ് സ്റ്റേഷനിലെ സി പി ഒ മാരായ മഹേഷ് ,ശരത് ,ശ്യംകുമാർ എന്നിവർക്കാണ് പരിക്കേറ്റത്. വ്യാഴം രാത്രി 7 മണിയോടെ ആയിരുന്നു സംഭവം.

വയലാ വെള്ളാക്കൽ ഭാഗത്ത് ബണ്ട്റോഡ് ഭാഗത്ത് വിദേശമലയാളിയുടെ വീടിന് സമീപം ലഹരി സംഘം തമ്പടിക്കുന്നതായി സമീപവാസികൾ അറിയിച്ചതിനെ തുടർന്ന് എത്തിയ മരങ്ങാട്ടുപിള്ളി പോലീസ്സ്റ്റേഷനിലെ 3 പോലീസുകാർക്കാണ് ലഹരിസംഘത്തിൻ്റെ ആക്രമണം ഉണ്ടായത് .

തുടർന്ന് കൂടുതൽ പോലീസ് സംഘം എത്തിയാണ് 6 പേരെ കസ്റ്റഡിയിൽ എടുത്തത്. വയലാ കുറ്റുമല കൈലാസ് കുമാർ (23) 'അമ്പലത്ത് കുന്ന് ദേവദത്തൻ (24) 'അറയ്ക്കൽ അർജുൻ ദേവരാജ് ( 23 ) ജെസിൻ ജോജോ ഐക്കാപറമ്പ് (24) അതുൽ പ്രദീപ് ചാമക്കാലായിൽ (23) അമൽ ലാലു കൊല്ലങ്കയിൽ( 24) എന്നിവർ ആണ് പോലീസ് പിടിയിൽ ആയത്.