കോട്ടയം ജില്ലയില്‍ മൂന്നു ക്യാമ്പുകള്‍. മൂന്നു ക്യാമ്പുകളിലായി 22 കുടുംബങ്ങളിലെ 71 പേര്‍

കോട്ടയം: മഴയെത്തുടര്‍ന്ന് ജില്ലയില്‍ മൂന്നു ദുരിതാശ്വാസ ക്യാമ്പുകള്‍ തുടങ്ങി. ചങ്ങനാശ്ശേരി താലൂക്കില്‍ ഒന്നും, കോട്ടയം താലൂക്കില്‍ രണ്ടു  ക്യാമ്പുമാണ് തുറന്നത്. മൂന്നു ക്യാമ്പുകളിലായി  22 കുടുംബങ്ങളിലെ 71 പേരുണ്ട്.

അതേസമയം,അടുത്ത 3 മണിക്കൂറില്‍ കേരളത്തിലെ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കാസറഗോഡ് ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോടു കൂടിയ ഇടത്തരം  മഴയ്ക്കും മണിക്കൂറില്‍ 40 കിലോമീറ്ററില്‍ താഴെ വരെ വേഗതയില്‍ ശക്തമായ കാറ്റിനും കൊല്ലം, കോഴിക്കോട്, വയനാട്, കണ്ണൂര്‍ ജില്ലകളില്‍ ഒറ്റപ്പെട്ടയിടങ്ങളില്‍ ഇടത്തരം മഴയ്ക്കും തിരുവനന്തപുരം ജില്ലയില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.