/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/21/uqlbrZvUPjjenTZ4xtlI.jpeg)
കോട്ടയം: പരസഹായത്തിനാളില്ലാതെ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്ന വൃദ്ധയായ ദേവുവിനും മക്കള്‍ക്കും ആശ്വാസമായി കേരള വനിതാ കമ്മീഷന്‍.
ആശുപത്രി സന്ദര്‍ശിച്ച വനിതാ കമ്മീഷന്‍ അംഗങ്ങളായ അഡ്വ. ഇന്ദിര രവീന്ദ്രന്‍, വി.ആര്‍. മഹിളാമണി എന്നിവര്‍ ദേവുവിനേയും മകന്‍ മുരുകന്‍, ഭാര്യ സുനിത, മകള്‍ അമ്മു എന്നിവരെ കാണുകയും വിവരങ്ങള്‍ തിരക്കുകയും ചെയ്തു.
സോഷ്യല്‍ മീഡിയ
വൈകിട്ട് നാലോടെ ആശുപത്രിയിലെത്തിയ അംഗങ്ങള്‍ ആശുപത്രി അധികൃതരുമായും സംസാരിച്ചു.
പരസഹായത്തിനാരുമില്ലാതെ കഷ്ടപ്പെടുന്ന ഇവരുടെ വാര്‍ത്ത രണ്ട് ദിവസം മുമ്പാണ് സോഷ്യല്‍ മീഡിയയില്‍ വന്നത്.
വാര്‍ത്ത ശ്രദ്ധയില്‍ പെട്ടപ്പോള്‍ തന്നെ കേരള വനിതാ കമ്മീഷന്‍ അംഗം അഡ്വ. ഇന്ദിര രവീന്ദ്രന്‍ ഇതിലിടപെടുകയും അഫിലിയേറ്റഡ് സംഘടനയായ സ്ത്രീ ശക്തിയോട് അന്വേഷിക്കാന്‍ നിര്‍ദേശം നല്‍കുകയും ചെയ്തു.
ഇവര്‍ക്ക് ആവശ്യമായ ചികിത്സ ഉറപ്പാക്കിയ സ്ത്രീശക്തി പ്രവര്‍ത്തകര്‍ കുട്ടിക്ക് തുടര്‍ പഠനത്തിനുള്ള സൗകര്യം ഒരുക്കാമെന്നും ഉറപ്പു നല്‍കിയിട്ടുണ്ട്.