/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/28/mUa0p2gyn2I5bpkUbTLt.jpg)
കോഴിക്കോട്: കോഴിക്കോട് ഓഫീസേഴ്‌സ് ക്ലബ്ബില്‍ മദ്യ ലഹരിയില്‍ തോക്ക് ചൂണ്ടിക്കാട്ടി ഭീകരാന്തരീക്ഷം സൃഷ്ടിച്ച വ്യക്തിക്കെതിരെ കേസ്. ഉള്ള്യേരി സ്വദേശി സുധീന്ദ്രനെതിരെയാണ് പൊലീസ് കേസെടുത്തത്. ഇന്നലെ രാത്രിയാണ് സംഭവം നടന്നത്.
തിരുത്തിയാട് ഓഫീസേഴ്‌സ് ക്ലബ്ബില്‍ ഇന്നലെ രാത്രിയാണ് സംഭവം നടന്നത്. സുധീന്ദ്രന്‍ എന്നയാള്‍ മദ്യപിച്ച് പ്രശ്‌നങ്ങളുണ്ടാക്കുന്നതോടെയാണ് പ്രശ്‌നങ്ങളുടെ തുടക്കം.ശരീരത്തില്‍ ഒളിപ്പിച്ച തോക്ക് പുറത്തെടുത്ത് പിന്നീട് ഭീഷണി മുഴക്കുകയായിരുന്നു.
ഇതോടെ ക്ലബിലുള്ളവര്‍ പൊലീസിനെ വിവരമറിയിച്ചു. പൊലീസെത്തിയതോടെയാണ് സ്ഥിതി ശാന്തമായത്. ഇതിനിടെ ഇയാള്‍ പല തവണ തോക്കുമായി മറ്റുള്ളവര്‍ക്ക് നേരെ അസംഭ്യം പറയുന്ന ദൃശ്യങ്ങള്‍ പുറത്തുവന്നു. സി സി ടിവി ദൃശ്യങ്ങളും മറ്റ് ക്ലബ് അംഗങ്ങളും പകര്‍ത്തിയ ദൃശ്യങ്ങളാണ് പ്രചരിക്കുന്നത്.
ഇയാളുടെ പക്കലുണ്ടായിരുന്നത് എയര്‍ പിസ്റ്റളായിരുന്നുവെന്ന് പൊലീസ് പറയുന്നു. സുധീന്ദ്രനെ കസ്റ്റഡിയിലെടുക്കാനായിട്ടില്ല. നടക്കാവ് പൊലീസില്‍ ക്ലബ് അംഗം നല്‍കിയ പരാതിയില്‍ ഇന്നലെ രാത്രി കേസ് രജിസ്റ്റര്‍ ചെയ്തിരുന്നു.