/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/03/hOsb84xMKHHRg7W7mCG5.jpg)
മലപ്പുറം: അര്ഹരായ എല്ലാ കെഎസ്ആര്ടിസി ജീവനക്കാര്ക്കും പ്രമോഷന് ലഭ്യമാക്കുമെന്ന് ഗതാഗത മന്ത്രി കെ ബി ഗണേഷ് കുമാര്.
രണ്ടുദിവസത്തിനകം ഇതുസംബന്ധിച്ച് ഉത്തരവ് നല്കുമെന്നും ഗണേഷ് കുമാര് വ്യക്തമാക്കി.
ഈ വര്ഷം വിവിധ തസ്തികളില് നിന്നായി ഒരുപാട് ജീവനക്കാര് വിരമിക്കുന്നുണ്ട്. ഇൗ ഒഴിവുകള് പരിഗണിച്ചാണ് പ്രമോഷന് നല്കുന്നത്.
നിലവിലുള്ള ജീവനക്കാരില് ഏറെയും ദീര്ഘനാള് സര്വീസുള്ളവരാണ്. ഇവര്ക്ക് പ്രമോഷന് നല്കുന്നതിലൂടെ കെഎസ്ആര്ടിസി പ്രവര്ത്തനങ്ങള് കൂടുതല് കാര്യക്ഷമമാക്കാന് കഴിയുമെന്നും അദ്ദേഹം പ്രത്യാശ പ്രകടിപ്പിച്ചു.
എടപ്പാളില് ആരംഭിക്കുന്ന സ്ക്രാപ് കേന്ദ്രം ഗുണകരമാവും.
സ്വകാര്യവാഹനങ്ങള് ഉള്പ്പെടെ ആധുനിക സംവിധാനങ്ങള് ഉപയോഗിച്ച് മലനീകരണമില്ലാതെ സ്ക്രാപ് ചെയ്യുന്നതാണ് പദ്ധതി.
ഇതിലൂടെ പദ്ധതി നയമായി കേന്ദ്രം പ്രഖ്യാപിച്ച 150 കോടി രൂപയോളം സംസ്ഥാന സര്ക്കാരിന് ലഭ്യമാവുമെന്നും അദ്ദേഹം പറഞ്ഞു.
ശബരിമല തീര്ഥാടകരെ രാത്രി വനമേഖലയില് ഇറക്കിവിട്ട സംഭവത്തില് കെഎസ്ആര്ടിസി ഡ്രൈവര്ക്കും കണ്ടക്ടര്ക്കും എതിരെ ആദ്യഘട്ട നടപടി സ്വീകരിച്ചിട്ടുണ്ട്.
അന്വേഷണത്തിന് ശേഷം യഥാര്ഥ കുറ്റക്കാര്ക്കെതിരെ തുടര്നടപടികള് സ്വീകരിക്കുമെന്നും മന്ത്രി കൂട്ടിച്ചേര്ത്തു.
മലപ്പുറത്ത് മാധ്യമപ്രവര്ത്തകരോട് സംസാരിക്കുകയായിരുന്നു മന്ത്രി.