വീടിനോട് ചേര്‍ന്ന് കണ്ട മൂര്‍ഖന്‍ പാമ്പിനെ പിടികൂടി വനമേഖലയില്‍ വിട്ടു. കൊല്ലം കുളത്തൂപ്പുഴ പഞ്ചായത്തിലെ വില്ലുമല എന്ന സ്ഥലത്താണ് സംഭവം

കൊല്ലം: വീടിനോട് ചേര്‍ന്ന് കണ്ട മൂര്‍ഖന്‍ പാമ്പിനെ പിടികൂടി വനമേഖലയില്‍ വിട്ടു. കൊല്ലം കുളത്തൂപ്പുഴ പഞ്ചായത്തിലെ വില്ലുമല എന്ന സ്ഥലത്താണ് സംഭവം. 

വനംവകുപ്പ് ഉദ്യോഗസ്ഥരെ അറിയിച്ചതിനെ തുടര്‍ന്ന് തെന്മല ആര്‍ആര്‍ടി സംഘം എത്തിയാണ് പാമ്പിനെ ശ്രമകരമായ ദൗത്യത്തിനൊടുവില്‍ പിടികൂടിയത്. ആര്‍ആര്‍ടി സംഘം പാമ്പിനെ പിടികൂടാന്‍ ശ്രമിക്കുന്നതിനിടെ വീട്ടിലെ വളര്‍ത്തുനായ മൂര്‍ഖനെ ആക്രമിക്കാന്‍ ശ്രമിച്ചു. 

ഇതിനിടെ പാമ്പിനെ സുരക്ഷിതമായി ആര്‍ആര്‍ടി സംഘം മാറ്റിയിരുന്നു. പാമ്പ് അക്രമാസക്തനായി ആര്‍ആര്‍ടി സംഘത്തിന് നേരെ ചീറ്റുന്നതിനിടെ ആയിരുന്നു പാഞ്ഞെത്തിയ നായ ആക്രമിക്കാന്‍ ശ്രമിച്ചത്.