വെള്ളാപ്പള്ളിയുടേത് ജൽപനം മാത്രം,ഐക്യം തകർത്തത് മുസ്‍ലിം ലീഗെന്ന ആരോപണത്തിന് മറുപടി അർഹിക്കുന്നില്ല; പി.എം.എ സലാം

മലപ്പുറം: സാമുദായിക ഐക്യം തകർത്തത് മുസ്‍ലിം ലീഗ് ആണെന്ന വെള്ളാപ്പള്ളിയുടെ പരാമർശം ജൽപനമാണെന്ന് മുസ്‍ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം.

 അത്തരം ജൽപനങ്ങൾ മറുപടി അർഹിക്കുന്നില്ല.

അർഹിക്കുന്ന അവഗണനയോടെ ആ പരാമർശം തള്ളുന്നുവെന്നും അദ്ദേഹം പറഞ്ഞു.

പറയുന്ന ആളും പറയിക്കുന്ന ആളും ഉദ്ദേശിക്കുന്നത് ജനങ്ങൾക്ക് അറിയാം.

 സമുദായിക സംഘടനകളുടെ യോജിപ്പിലും പിളർപ്പിലും ലീഗ് ഇടപെടാറില്ല.

ലീഗിനെ പ്രകോപിച്ച് സമാധാന അന്തരീക്ഷം തകർക്കാനാണ് ശ്രമമെങ്കിൽ ആ വലയിൽ വീഴില്ലെന്നും പി.എം.എ സലാം പറഞ്ഞു.

വെള്ളാപ്പള്ളി ഇതൊക്കെ പറയുന്നത് സിപിഎമ്മിന്റെ പിന്തുണയിലാണ്.

 പൊന്നാട അണിയിച്ചു കാറിൽ കയറ്റി കൊണ്ട് വന്നു പറയിപ്പിക്കുകയാണെന്നും വെള്ളാപ്പള്ളിയുടേതിന് സമാനമായ അഭിപ്രായം ആര് പറഞ്ഞാലും അത് സമൂഹത്തിനു ദൂഷ്യമാണെന്നും അദ്ദേഹം പറഞ്ഞു.