മലപ്പുറത്ത് കഞ്ചാവ് ലഹരിയില്‍ വെട്ടുകത്തിയുമായി 15 കാരന്റെ പരാക്രമം. നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു

മലപ്പുറം: കഞ്ചാവ് ലഹരിയില്‍ വെട്ടുകത്തിയുമായി 15 കാരന്റെ പരാക്രമം. മലപ്പുറം ചേകന്നൂര്‍ അങ്ങാടിയിലാണ് പരാക്രമവുമായി 15 കാരന്‍ എത്തിയത്.

ഹാര്‍ഡ്‌വേര്‍ ഷോപ്പില്‍ നിന്നും വെട്ടുകത്തിയെടുത്തായിരുന്നു പരാക്രമം. 15 കാരനെ നാട്ടുകാര്‍ പിടികൂടി പൊന്നാനി പൊലീസിന് കൈമാറി.കഴിഞ്ഞ ദിവസം വൈകിട്ട് 5.30 തോടെയാണ് സംഭവം നടന്നത്.

ആനക്കര സ്‌ക്കൂളിന് സമീപത്തെ പൂരത്തിന് പങ്കെടുക്കാന്‍ എത്തിയ യുവാക്കള്‍ തമ്മില്‍ ചേകന്നൂര്‍ അങ്ങാടി ഭാഗത്ത് വെച്ച് വാക്ക് തര്‍ക്കവും കയ്യാങ്കളിയും ഉടലെടുത്തിരുന്നു. ഇതിന് പിന്നാലെയായിരുന്നു പതിനഞ്ചുകാരന്റെ പരാക്രമം.