കടുത്തുരുത്തി: ഇടവകയുടെ ആത്മീയവളര്‍ച്ചയുടെയും പുരോഗതിയുടെയും കേന്ദ്രങ്ങളാണ് അജപാലന കേന്ദ്രങ്ങളെന്ന് ബിഷപ്പ് മാര്‍ ജോസഫ് കല്ലറങ്ങാട്ട്. മാന്‍വെട്ടം സെന്റ് ജോര്‍ജ് പള്ളിയുടെ പുതിയ ഇടവക അജപാലന കേന്ദ്രത്തിന്റെ വെഞ്ചരിപ്പ് നിര്‍വഹിച്ചു സംസാരിക്കുകയായിരുന്നു ബിഷപ്പ്.
പേര് പോലെ തന്നെ പ്രാധാന്യമുള്ളവയാണ് അജപാലന കേന്ദ്രങ്ങളെന്നും ബിഷപ്പ് പറഞ്ഞു. വെഞ്ചരിപ്പ് നിര്‍വഹിച്ച ശേഷം അജപാലന കേന്ദ്രത്തിന് മുന്നില്‍ ബിഷപ്പ് ദീപം തെളിയിച്ചു. വികാരി ജനറാള്‍മാരായ മോണ്‍ ജോസഫ് തടത്തില്‍, മോണ്‍ ജോസഫ് മലേപ്പറമ്പില്‍, മോണ്‍ ജോസഫ് കണിയോടിക്കല്‍, ഇടവക വികാരി റവ.ഡോ. സൈറസ് വേലംപറമ്പില്‍, സമീപത്തെ ഫൊറോനാ വികാരിമാരായ ഫാ.മാത്യു ചന്ദ്രന്‍കുന്നേല്‍, ഫാ.അബ്രഹാം കൊല്ലിതാനത്തുമലയില്‍, ഫാ.സെബാസ്റ്റ്യന്‍ പടിക്കകുഴുപ്പില്‍, മാന്‍വെട്ടം പള്ളി സഹവികാരി ഫാ.ജോസഫ് ചൂരക്കല്‍, മോന്‍സ് ജോസഫ് എംഎല്‍എ, മുന്‍ എംപി തോമസ് ചാഴികാടന്‍, ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തന്‍കാലാ, കല്ലറ, മാഞ്ഞൂര്‍ പഞ്ചായത്ത് പ്രസിഡന്റുമാരായ ജോണി തോട്ടുങ്കല്‍, കോമളവല്ലി രവീന്ദ്രന്‍, സുനു ജോര്‍ജ്, ബിജു കൊണ്ടുകാലാ, കണ്‍സ്ട്രക്ഷന്‍ ആന്റ് ഫൈനാന്‍സ് കമ്മിറ്റി കണ്‍വീനര്‍ കുര്യന്‍ ജോസഫ് മുതുകാട്ടുപറമ്പില്‍, സെക്രട്ടറി ജോര്‍ജ് പുത്തൂപ്പള്ളി, ട്രഷറര്‍ സെബാസ്റ്റ്യന്‍ വിരുത്തിയില്‍, കൈക്കാരന്മാരായ മാത്യൂസ് കെ. മാത്യൂ പുല്ലാപ്പള്ളി, ജോസ് കെ.എം. കലയന്താനം, ജോസ് റ്റി. ജെയിംസ് തടിയ്ക്കല്‍ തുടങ്ങിയവര്‍ പങ്കെടുത്തു.
അജപാലന കേന്ദ്രത്തിന്റെ പോര്‍ട്ടിക്കോയുടെ മുകളില്‍ കൈകള്‍ നീട്ടി ഏല്ലാവരെയും അനുഗ്രഹിക്കുന്ന ഈശോയുടെ രൂപവും, സ്ലൈഡിംഗ് ഡോറില്‍ ഇടവക മധ്യസ്ഥനായ വിശുദ്ധ ഗീവര്‍ഗീസിന്റെയും വിശുദ്ധ അല്‍ഫോന്‍സാമ്മയുടെയും മാന്‍വെട്ടത്തെ പ്രഥമപള്ളിക്ക് ശിലാസ്ഥാപനം നടത്തിയ വിശുദ്ധ ചാവറ കുര്യാക്കോസ് പിതാവിന്റെയും പ്രവേശന കവാടത്തില്‍ പരിശുദ്ധ കന്യകാമറിയത്തിന്റെയും വിശുദ്ധ യൗസേപ്പിതാവിന്റെയും ചിത്രങ്ങളും സ്ഥാപിച്ചിട്ടുണ്ട്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/28/nyuUOW15t2Qeo7MClj8x.jpg)