യുനെസ്കോ അസോസിയേറ്റഡ് സ്കൂളായി മർകസ് ഇംഗ്ലീഷ് മീഡിയം സ്കൂൾ

കോഴിക്കോട്: യുനെസ്കോയുടെ അസോസിയേറ്റഡ് സ്കൂൾസ് നെറ്റ്‌വർക്കിൽ അംഗത്വം നേടി മെംസ് ഇന്റർനാഷണൽ സ്കൂൾ. ലോകമെമ്പാടുമുള്ള വിദ്യാഭ്യാസ സ്ഥാപനങ്ങളെ ഉൾക്കൊള്ളുന്ന ഈ അന്താരാഷ്ട്ര ശൃംഖലയിലെ അംഗത്വം വിദ്യാഭ്യാസ നിലവാര സൂചികയിൽ വലിയ ചുവടുവെപ്പായാണ് വിശേഷിക്കപ്പെടുന്നത്.

ആഗോള പൗരത്വം, സമാധാന വിദ്യാഭ്യാസം, സുസ്ഥിര വികസനം, സംസ്കാരാന്തര സഹകരണം, ഗുണമേന്മയുള്ള പഠനം എന്നിവ പ്രോത്സാഹിപ്പിക്കുന്നതാണ് യുനെസ്കോ അസോസിയേറ്റഡ് സ്കൂളുകളുടെ ലക്ഷ്യം. ഈ അംഗീകാരത്തിലൂടെ അന്താരാഷ്ട്ര സഹകരണ പദ്ധതികൾ, ആഗോള വിദ്യാഭ്യാസ പ്രവർത്തനങ്ങൾ, പുതിയ പഠനാനുഭവങ്ങൾ എന്നിവയ്ക്കുള്ള അവസരങ്ങൾ കൂടുതൽ വിപുലമാകുമെന്ന് സ്കൂൾ അധികൃതർ അറിയിച്ചു.