മൂന്നാറിൽ അതിഥി തൊഴിലാളിയായി ജോലി ചെയ്തു വരികയായിരുന്ന മാവോയിസ്റ്റ് പിടിയിൽ. അറസ്റ്റിലായത് ബോംബ് സ്ഫോടനത്തിൽ 3 പോലീസുകാരെ കൊലപ്പെടുത്തിയ പ്രതി

ഇടുക്കി: മൂന്നാറിൽ മാവോയിസ്റ്റ് പിടിയിലായി. ബോംബ് സ്ഫോടനത്തിൽ 3 പോലീസുകാരെ കൊലപ്പെടുത്തിയ മാവോയിസ്റ്റാണ് പിടിയിലായത്.

ജാർഖണ്ഡ് സ്വദേശി സഹൻ ടുടി ദിനബു ആണ് പിടിയിലായത്. കൊച്ചി, റാഞ്ചി യൂണിറ്റുകളിലെ എൻഐഎ ഉദ്യോഗസ്ഥർ മൂന്നാറിൽ നിന്നാണ് പ്രതിയെ പിടികൂടിയത്.

എൻഐഎ സംഘത്തിന്റെ നിരീക്ഷണത്തിലായിരുന്നു ഇയാൾ. മൂന്നാറിൽ നിന്ന് ഇന്നലെ രാത്രിയോടെ അറസ്റ്റ് ചെയ്തത്.

ഝാർഖണ്ഡിൽ നിന്ന് രക്ഷപ്പെട്ട് ഇയാൾ മൂന്നാർ ഗൂഡാർവിള എസ്റ്റേറ്റിൽ തന്റെ ഭാര്യയോടൊപ്പം അതിഥി തൊഴിലാളിയായി ജോലി ചെയ്തു വരികയായിരുന്നു. 

കഴിഞ്ഞ ഒന്നര വർഷമായി ഇവിടെ ജോലി ചെയ്തു വരികയായിരുന്നു ഇയാൾ. വൈദ്യ പരിശോധനയ്ക്ക് ശേഷം പ്രതിയെ മൂന്നാർ പൊലീസ് സ്റ്റേഷനിൽ പാർപ്പിച്ചിരിക്കുകയാണ്.