/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/18/vGUZ4pnJjVxR8gx3zetC.jpg)
ബി.എം.ആന്‍ഡ് ബി.സി. നിലവാരത്തില്‍ നവീകരിച്ച വൈക്കം -ടി.വി. പുരം റോഡിന്റെ ഉദ്ഘാടനം പൊതുമരാമത്തുവകുപ്പ് മന്ത്രി പി.എ. മുഹമ്മദ് റിയാസ് നിര്‍വഹിക്കുന്നു. സി.കെ. ആശ എം.എല്‍.എ, ജില്ലാ പഞ്ചായത്ത് പ്രസിഡന്റ് കെ.വി. ബിന്ദു എന്നിവര്‍ സമീപം
കോട്ടയം: ഈ സര്‍ക്കാര്‍ ലക്ഷ്യമിട്ടതിലും കൂടുതല്‍ റോഡുകള്‍ ആധുനികീകരിച്ചതായും 60 ശതമാനം റോഡുകളും ബി.എം. ആന്‍ഡ് ബി.സി. നിലവാരത്തില്‍ നവീകരിച്ചതായും പൊതുമരാമത്ത്-ടൂറിസം വകുപ്പുമന്ത്രി പി.എ. മുഹമ്മദ് റിയാസ് പറഞ്ഞു.
ആധുനിക രീതിയില്‍ ബി.എം.ബി.സി. നിലവാരത്തില്‍ നവീകരിച്ച വി.ടി. റോഡിന്റെ പൂര്‍ത്തീകരണ ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം. സംസ്ഥാനത്തെ 50 ശതമാനം റോഡുകള്‍ അഞ്ചു വര്‍ഷം കൊണ്ട് ബി.എം. ആന്‍ഡ് ബി.സി. നിലവാരത്തില്‍ ടാര്‍ ചെയ്യാനാണ് തീരുമാനിച്ചിരുന്നത്. എന്നാല്‍ ഇപ്പോള്‍ തന്നെ 60 ശതമാനം റോഡുകളും നവീകരിച്ചു.
കായലോര മേഖലയുടെ വികസനത്തിന് വി.ടി. റോഡിന്റെ വികസനം സഹായിക്കുമെന്നും അദ്ദേഹം പറഞ്ഞു.
ടി.വി. പുരം ഗ്രാമപഞ്ചായത്ത് കമ്യൂണിറ്റി ഹാളില്‍ നടന്ന ചടങ്ങില്‍ സി.കെ. ആശ എം.എല്‍.എ. അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു മുഖ്യാതിഥിയായിരുന്നു.
പൊതുമരാത്ത് വകുപ്പു നിരത്തുവിഭാഗം എക്‌സിക്യൂട്ടീവ് എന്‍ജിനീയര്‍ കെ. ജോസ് രാജന്‍ റിപ്പോര്‍ട്ട് അവതരിപ്പിച്ചു. വൈക്കം നഗരസഭാധ്യക്ഷ പ്രീത രാജേഷ്, വൈക്കം ബ്‌ളോക്ക് പഞ്ചായത്ത് പ്രസിഡന്റ് എസ്. ബിജു, ടി.വി. പുരം ഗ്രാമപഞ്ചായത്ത് പ്രസിഡന്റ് ശ്രീജി ഷാജി, ജില്ലാ പഞ്ചായത്തംഗങ്ങളായ പി.എസ്. പുഷ്പമണി, ഹൈമി ബോബി, വൈക്കം നഗരസഭ ഉപാധ്യക്ഷന്‍ പി.ടി. സുഭാഷ്, ടി.വി. പുരം ഗ്രാമപഞ്ചായത്ത് വൈസ് പ്രസിഡന്റ് വി.കെ. ശ്രീകുമാര്‍, വൈക്കം ബ്‌ളോക്ക് സ്ഥിരം സമിതി അധ്യക്ഷ എം.കെ. റാണിമോള്‍, ബ്‌ളോക്ക് പഞ്ചായത്തംഗം കെ.കെ. രഞ്ജിത്ത്, രാഷ്ട്രീയപാര്‍ട്ടി അംഗങ്ങളായ പി.ശശിധരന്‍, പി.ഡി. ഉണ്ണി, ടെല്‍സണ്‍ തോമസ്, പോള്‍സണ്‍ ജോസഫ്, രാജു, സുബൈര്‍, സിറിയക്, റഷീദ്, ബി. ശശിധരന്‍, സ്വാഗതസംഘം ഭാരവാഹികളായ എം.എസ്. രാമചന്ദ്രന്‍, ഇ.എന്‍. സാലിമോന്‍ എന്നിവര്‍ പ്രസംഗിച്ചു.