/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/05/18/5rt9YiHtrfsBSnFrqsLJ.jpg)
മിസ്സൗറി: അമേരിക്കയിലെ മിസ്സൗറി, കെന്റക്കി സംസ്ഥാനങ്ങളില്‍ വീശിയടിച്ച ചുഴലിക്കാറ്റില്‍ 21 മരണം. നിരവധിപേര്‍ക്ക് ഗുരുതരമായി പരിക്കേറ്റതായാണ് റിപ്പോര്‍ട്ട്. മിസ്സൗറിയില്‍ മാത്രം 5000ലധികം വീടുകള്‍ തകര്‍ന്നതായുള്ള കണക്ക് പുറത്തുവരുന്നുണ്ട്.
വെള്ളിയാഴ്ച രാത്രിയിലെ കൊടുങ്കാറ്റില്‍ 14 പേര്‍ മരിച്ചതായി കെന്റക്കി ഗവര്‍ണര്‍ ആന്‍ഡി ബെഷിയര്‍ പറഞ്ഞു.
മിസ്സൗറില്‍ ഏഴുപേരാണ് മരിച്ചത്. കെട്ടിടങ്ങള്‍ക്കകത്ത് കുടുങ്ങിക്കിടക്കുന്ന ആളുകള്‍ക്കായി തിരച്ചില്‍ തുടരുകയാണ്.
വെള്ളിയാഴ്ച വൈകി ലോറല്‍ കൗണ്ടിയില്‍ വീശിയ ഒരു ചുഴലിക്കാറ്റില്‍ നിരവധിപേര്‍ക്ക് ഗുരുതരമായ പരിക്കുകള്‍ ഉണ്ടായതായി കെന്റക്കി അധികൃതര്‍ പറഞ്ഞു.
മിസ്സൗറിയില്‍ 5,000ല്‍ കൂടുതല്‍ വീടുകള്‍ക്ക് കേടുപാടുകള്‍ സംഭവിച്ചതായി' മേയര്‍ കാര സ്പെന്‍സര്‍ പറഞ്ഞു.
സെന്റ് ലൂയിസിന് ഏകദേശം 209 കിലോമീറ്റര്‍ (130 മൈല്‍) തെക്ക് സ്‌കോട്ട് കൗണ്ടിയില്‍ മറ്റൊരു ചുഴലിക്കാറ്റ് ആഞ്ഞടിച്ചു, രണ്ട് പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും നിരവധി വീടുകള്‍ തകര്‍ത്തതായും റിപ്പോര്‍ട്ടുകളുണ്ട്.