ഓറഞ്ച് ദി വേള്‍ഡ് കാമ്പയിന്റെ ഭാഗമായി സ്‌കിറ്റ് അവതരിപ്പിച്ചു

കോട്ടയം: ഓറഞ്ച് ദി വേള്‍ഡ് കാമ്പയിന്റെ ഭാഗമായി വനിതാ - ശിശുവികസന വകുപ്പും കോട്ടയം ജില്ലാതല ഐസിഡിഎസ് സെല്ലും ബി. സി. എം. കോളജ് എം. എസ്. ഡബ്ല്യൂ വിഭാഗവും സംയുക്തമായി സ്ത്രീധന നിരോധനം, ശൈശവ വിവാഹനിരോധനം എന്നീ വിഷയങ്ങളില്‍ സ്‌കിറ്റ് അവതരിപ്പിച്ചു.

കോട്ടയം നാഗമ്പടം പ്രൈവറ്റ് ബസ് സ്റ്റാന്‍ഡിനു സമീപം നടന്ന സ്‌കിറ്റില്‍ കോളജ് വിദ്യാര്‍ഥികള്‍ പങ്കെടുത്തു.

സ്‌കിറ്റ് അവതരിപ്പിച്ചു

സ്ത്രീകള്‍ക്കും പെണ്‍കുട്ടികള്‍ക്കുമെതിരേയുള്ള അതിക്രമങ്ങള്‍, ലിംഗവിവേചനം എന്നിവ അവസാനിപ്പിക്കുക, ഗാര്‍ഹിക പീഡനം, സ്ത്രീധന സമ്പ്രദായം, ബാലവിവാഹം, ബലാത്സംഗം, മറ്റ് അതിക്രമങ്ങള്‍, ദുരാചാരങ്ങള്‍ എന്നിവ സമൂഹത്തില്‍ നിന്ന് ഉന്മൂലനം ചെയ്ത് എപ്പോഴും എല്ലായിടവും സുരക്ഷ ഉറപ്പുവരുത്തുക എന്നതാണ് ഓറഞ്ച് ദി വേള്‍ഡ് കാമ്പയിന്റെ ലക്ഷ്യം. 

ബി.സി.എം. കോളജ് എം.എസ്.ഡബ്ല്യൂ വിഭാഗം മേധാവി ഐപ് വര്‍ഗീസ്, ജില്ലാതല ഐസിഡിഎസ് സെല്ലിലെ സ്റ്റാറ്റിസ്റ്റിക്കല്‍ ഇന്‍സ്പെക്ടര്‍ ജാസ്മിന്‍ നാരായണന്‍ എന്നിവര്‍ സംസാരിച്ചു.